Pagbabago 18


I

Sabi nila masarap ang maging bunso sa magkakapatid

pinagbibigyan ka at alagang-alaga ng mga ate at kuya.

Tatanungin nila kung ano ang pasalubong na gusto mo

o kapag birthday mo hindi puwedeng wala silang treat sa iyo.

Gaya na lamang ng choco roll cake na laging request ko.

Bukod pa ‘yan sa kinasasabikan kong mamon, chiffon (slice), o

polvoron na idinadala ni Nanay pagkatapos ng kanyang trabaho.

II

Pero sa pagdaan ng panahon, nagbago rin ang lahat.

Isa-isa nang nilisan ng aking mga kapatid ang aming tahanan.

Iba na ang madalas nilang i-treat at binibigyan ng cake.

Pero hindi naman po ako nagtatampo kahit nakaka-miss

kasi sa tuwing nakikita ko ang aking mga pamangkin

feeling ko ay ako rin sila noon, sabik na sabik na mag-wish,

pitasin ang mga flowers (icing) at ipaghiwa ng cake.

III.

Bibihira na rin akong dalhan ni Nanay ng pang-merienda.

Siguro may ilang taon na rin nung mangyari ‘yon.

Kasi naman ay ako na ang nagdadala ng maime-merienda.

Lalong-lalo na kapag araw ng sahod, sinsubukan kong

ibili siya ng paborito niyang gelatin a.k.a. cathedral window.

Kailan ko nga lang nalaman na ang kan’yang favorite panghimagas.

Ganun pala yon ano, iba rin kapag ikaw na ang nagbibigay?!

IV

Maaaring iba na ang estado ko ngayon. Hindi sa kaya ko ng bumili o pumunta sa bakeshop para ituro ang gusto kong kainin, kundi sa kung paanong ako naman ang puwedeng magpasaya sa mga taong mahal ko.

Pamangkin, Hipag, Kuya, Ate, Tiyuhin, Tiyahin, Magulang at kahit sino pang darating, alam kong para lang tayong mga nagpupunta at umaalis sa isang tindahan ng pagkain. Nagbabago ang binibili at kung sino ang bibili pero ang pagkakatulad ay nandoon yung thought na gusto mong ipinadama ang iyong sweetness. Sine-celebrate natin ang mga special moments natin ng salu-salo. Iisang tatak na natin yan eh gaya ng binibilhan nating Goldilocks – How Thoughtful. How Pinoy!

Note: Happy Birthday Kay Nanay sa August 25.


About Hitokirihoshi

Slasher Star: passionate Online Publisher, grade 1 Digital Marketer, on-the-go Technopreneur, frugal Traveler, Cinephile since birth, natural Music lover, abstract Crafter, Digital Nomad, Millennial, and Multipotentialite or Yuccie? Common socialize with me!


Leave a comment

Your email address will not be published. Required fields are marked *

18 thoughts on “Pagbabago