Songhits: Old and Cheap music book 21


Nakabili ka na ba ng Songhits (o dapat na songbook)? Dati sikat na sikat iyon sa mga bangketa kasama ng mga dyaryo, magazines, at komiks. Nauna ko pa atang binabasa iyon kaysa libro kahit na tyagaan na paputol-putol, ‘di ko naman alam maggitara, at malamang mali-mali rin yung mga nakasulat na lyrics.

Siguro mga 2009 or 2008 nang huli akong makahawak ng song hits. Wala halos pinagkaiba ang content except sa medyo mas malaki yun sa karaniwan, medyo somosyal at may mga intensive interviews na sa mga artists and DJs. Mayroon pa ring guide ng guitar, keyboard and flute chords na sakto sa gitnang bahagi kung saan makikita ang malaking staple wire na nagkakabit sa mga pages.

basta somewhere nakakita ako ng songhits hehe)

Mayroon din akong kaisa-isang songbook na nasimulan ko atang mabuo nung nasa high school pa ako. Ang cover nito dati ay folder na ng isang project ko na mataas ang grade ko (kailangan talaga may mataas) at ang mga laman ay mga papel na may mga sulat na sa likod (mga photocopy). Dito ako nagsusulat ng mga lyrics na kanta na gustong-gusto ko o nais kong matutuhan.

Nang tamarin na ako at  may opportunity naman na makapag-print, idinidikit ko na lang yung pini-print kong lyrics na ang liliit ng font size ( my favorite Verdana 8/ Garamond 10). Tapos, dapat .5” lang ang margin ng bawat sides then naka-two columnspa. Kung nakiki-print at ubos na ang black ink kahit yung masakit sa matang kulay puwede na. hehehe!

Mahaba rin ang panahon na hindi ko nabuklat ito kaya naman nakenkoyan lang ako sa sarili ko nung makita ko ulit. Kahit anong gupit, kahit anong kulay at kahit medyo labu-labo na yung mga kanta go lang ako ng go. Nakakatawa pati yung mga pinagdidikitan kong papel ay mga photocopy ng mga pinag-aralan ko dati. Wahahaha!

Nakalimutan ko na nga na pinalitan ko na pala ‘yong folder nito at naikategorya ko na ‘yong mga kanta. At heto pa, mayroon pa rito yung mga notes para pagko-compose ng ringtones para sa mga old units ng cellphones.

Pansin ko lang na may ilang kanta na makailang beses ko pa lang naisulat o nailagay dito gaya ng On My Own ng Les Miserables, I don’t Wanna Wait ni Paula Cole, mga kanta sa Meteor Garden.

At oo pinag-aaralan ko ‘yong mga kanta sa mga Asian (Wedding, Hana Kimi at MG) and Latin TV series. Pero wala pa ang mga iyon sa mga saulo kong kanta mula sa mga anime series tulad ng Ghost Fighter, Voltes V, Daimos,  Slam Dunk, Inuyasha, Samurai X, BT’X, Doraemon, Card Captor Sakura, Akazukin Cha Cha at marami pang iba. Sige sama na natin ang Bioman, Maskman, at Shaider.

 

 

 


About Hitokirihoshi

Slasher Star: passionate Online Publisher, grade 1 Digital Marketer, on-the-go Technopreneur, frugal Traveler, Cinephile since birth, natural Music lover, abstract Crafter, Digital Nomad, Millennial, and Multipotentialite or Yuccie? Common socialize with me!


Leave a comment

Your email address will not be published. Required fields are marked *

21 thoughts on “Songhits: Old and Cheap music book