What words would you like to banish in your life?


I got this question “What words would you like to banish in your life?” from the book I read “Our Daily Journey.”   Napaisip ako, oo marami akong ayaw na salita sa Filipino or words in English not because of foul meaning, but because they are being use improperly or badly. Gayon din yung mga words na personally na ayoko gamitin kasi I believe mababago buhay ko kapag inalis  o iwasan kong gamitin.

Words that should be avoided everyday

Naniwala ako na napakakulay at buhay na buhay ng wikang Filipino at ipinagmamalaki ko ito.  Natutuwa ako  sa gay lingo, saliwakain, talinhaga, repa, ermat at iba pa.   Pero I think hindi na magandang pakinggan at  implikasyon sa isang tao ang  paulit- paulit na paggamit  ng mga salitang ito  sa isang pangungungasap:

  • Parang – halimbawa: Okay naman po kami parang nag-relax lang doon, iyong parang nagbakasyon lang.

Iyong totoo, realidad ba ‘yan o imahinasyon lang? Isang “parang” lang ay okay na e, pero yung “parang” ng “parang” pa ay kinumpara sa kinumpara o hinalintulad sa hinantulad?

  • Medyo – halimbawa: Ito medyo aamin ko ha, medyo ginagamit ko palagi itong word na ito dati. Kasi medyo palagi akong nag-alangan kong maiintindihan ako ng kausap ko o basta hindi ako sigurado. Kaya medyo nag-aalangan ako. So ano natantya mo kung gaano kalaki, kahaba, kaiksi  o kabigat ng  paggamit ko noon?
  • Baka – Ito  nagagamit ko pa ring salita pero baka hindi rin ganoon kadalas kasi dahil medyo parang di pa rin ako sure sa laman ng isip ko.

 

*Alam mo iyong ibig sabihin ng ewan? Baka mas sure pa ang ibig sabihin noon kaysa “baka” kasi ewan hindi ko rin alam.

  • Siguro – Positive sana ang tunog ng salitang ito depende kung paano binitaw. Pero alam mo yung sinagot ka pero ang sabaw at iyong tipong iniwan ka sa ere agad. Ganun ang datingan sa akin nito lalo na kung pabalang ang tono.

    Mind Museum’s Life Gallery – The Brain

Ang “siguro,” “baka,” “parang,” at “medyo” ay halos synonymous. Pare-parehong sinasabi ng taong walang direkta o sagot na hinahanap mo. Kapag naririnig ko ang mga ito sa iba lalo na  ‘pag paulit-ulit nga  at tungkol din naman sa kanila ang usapan, ang naglalaro sa isip ko ay hindi Ito komportable  sa sarili niya.  Puwede rin wala lang sa kanya ang sinasabi n’ya. May takot to fail, to disappoint, or to know their secrets? Sabi nga ng friend ko na si Liz , ‘make up your mind!’

Despite of – Bukod sa mga nabanggit ay iniiwasan ko na rin gamitin ang ‘kahit na’ o ‘despite of.’  Nagagamit ko rin ito sa pagdadasal at pagsusulat sa aking diary noon. Hanggang isang araw… I realize lagi ko na ata dinidepensahan ang negatibo kong iniisip. Palaging may hirit, hindi ba puwedeng if I say thank you or I regret something ay yun na yon?

Gaya ito ng pagiging late sa school or office, late is late kahit ano pang traffic sa daan. Once or twice, gaano ba kadalas ang minsan para masabi mong kailangan ng mag-adjust ng time sa pagpasok? Eh yung iba, sila na ang late at naunahan ni boss , sila pa ang galit ? peace 😀 Ako I try  to impose to myself na hindi puwedeng palaging may excuses, instead dapat may purpose.  Hindi na magandang magsisi lang, kailangan matuto at magpatuloy sa buhay.

‘Kung sana lang’ o ‘if only’– Ang point ko lang sa “if only” ay ang pagpapabalik-balik sa bagay na tapos na tapos na.  I learned this when I chatted with my old relatives na hindi ko alam kung lungkot lang o frustrated na. Para bang they don’t see the beauty of their realities today, dahil sa mga pagbabakasali nila sa nakalipas. Oo totoo naman na may bagay kang pagsisihan sa nakaraan mo. Pero mainam din patawarin mo na ang sarili mo. Kung may chance ka pa na makabawi-go! Kung wala na enjoy mo na lang kung ano meron ngayon at sa mga susunod pa. Ganoon e, time is gold nga e.

Alam mo hangang-hanga ako sa Lolo Kampoy ko. Nakausap namin s’ya siguro two to three weeks bago s’ya namatay. That time ay tinaningan na s’ya at ang katagang hindi ko malilimutan sa kanya ay

‘Tinaningan na  ako ng doktor ko ng two years, nakaka- six months na ako.’  Ganun ka -casual at luwag. Physically, naka-wheelchair at oxygen na s’ya kasi heart cancer ang sakit nya. Pero naka-gold ring s’ya, may gf daw (di ko lola), at ang bilin lang n’ya ay huwag ibebenta ang bahay nila.  Wala akong narinig na nung araw, ganito-ganyan kumpara sa common na oldies na nakakausap ko.  Ako naiintindihan ko naman sa mga lolo at lola na maggaganyan pero kung sa mga bata even in their 50s, I think para hindi malungkot ang buhay wag ng mag-what if.  Kung babalikan ang nakaraan, yung natutuhan, nagustuhan o kaya ganun kami dati. Comparing itself is hard to contest kung makakabuti o hindi, but if it’s for the sake of tracking progress, transformation or importance of history- good.

Marami pa siguro ako na ayaw pero itong mga words  or linya ang naisip ko agad. Ikaw What words would you like to banish in your life and Why?

 


About Hitokirihoshi

Slasher Star: passionate Online Publisher, grade 1 Digital Marketer, on-the-go Technopreneur, frugal Traveler, Cinephile since birth, natural Music lover, abstract Crafter, Digital Nomad, Millennial, and Multipotentialite or Yuccie? Common socialize with me!

Leave a comment

Your email address will not be published. Required fields are marked *