Note: Ang mga tulang tungkol sa kalikasan na ito ay aking inalahok at naging grand fiinalist Saranggola Blog Awards 2010.
Tulang tungkol sa kalikasan 1: Gumigilid-gilid, sumisirit
I
Binili akong maganda ang postura.
Kahali-halina sa kanyang mga mata,
Pero pagkatapos gamitin ako’y dinispatsa.
II
Siguro nga itinadhana akong ganito
Kaso sana inayos niya ako
Hindi iyong ipinatong sa bato.
III
Tuloy ako’y inilipad ng hangin
Ipinadpad doon sa malayong bangin
Pinagtripan ng mga insektong gutumin.
IV
Mabuti na lang may paraan
Makakaganti ako sa kanyang kasamaan
Pagka’t heto na ang ulan.
V
Buhos ng tubig ay malakas
Madali akong makawala at makaalpas
Ilalakad ng baha sa wakas
VI
Malaki ang tyansa na makabalik
Maabutan ko kaya siyang naghihilik
Habang ako’y paparating na humahagikgik
VII
Pero alam mo ang nangyari?
Kaming mga basura ay naghari
Sinira namin kanyang mga pag-aari
VIII
Habang kami’y gumigili-gilid at sumisirit-sirit
Tahanan niya’y unti-unting nang tumitirik
Siya ngayon ay napakatindi ng hinanakit.
———————————————————————–
Tulang tungkol sa kapaligiran 2: Lumipad na sila palayo
I
Noon sa pagtilaok ng manok nagigising ang mga tao
Pero ngayon dumedepende na lang sa alarm ng relo.
Nasan na nga ba ang mga manok ni Manong
Nagkandamatay na ba sa pakikipagsabong?
II
Bibihira na nga rin pala akong makarinig ng huni ng ibon
Ito ba’y dahil sa wala ng mga kalapating nagtitipon?
Natirador na ba ang mga mayang dumadapo sa mga kable?
O masyado lang akong abala at ‘di ko alam sa’n sila nagkukubli.
III
Pero alam mo ang talagang kapansin-pansin at hinahanap ko?
Ang makakita nang paglipad-lipad sa hardin ng mga paro-paro .
Ang humabol sa mga tutubing paligi-ligid sa damuhan.
At ang maghanap ng tipaklong, salaginto’t salagubang.
IV
Oo alam ko na ang pagkawala nila ay hindi na dapat tinatanong.
Dahil bago ang tanong ay sumasambulat na sa akin ang sagot.
Sa ingay at dumi ng paligid, lilipad na nga sila palayo.
Doon sa tahimik, malinis at hindi nila kailangang magtago.
—————————————————————-
Tulang tungkol sa environment 3: Magpakatao ‘di ba?
I
Ang tao ay sadyang mapaghanap
Pero puno naman ng pagpapanggap
Dami-daming impormasyong kinakalap
Akala mo talagang nagbibigay-lingap
II
Sikapin nating simulan ang kalinisan
Para sa sarili at sa’ting pinapahalagahan
Hindi ‘yong kalikasan ay pinapabayaan
Dahil sa kasakiman o katamaran.
III
Ano ba naman ang mag-recycle
Itapong mabuti balat ng popsicle
Imbes na magkotse ay mag-bicycle
Nakabawas pa sa tabang mapipisil.
IV
Huwag kang umasang kapaligira’y maganda
Kung puro ka lamang salita
At simpleng bagay ‘di magawa
Magpakatao dapat tayo ‘di ba?!
Pingback: 6th Taboan: There’s more for Philippine Literature | aspectos de hitokiriHOSHI
congrats!
salamat sows! kahit finalist lang masaya na ako.
Binabati kita, ang iyong akda ay napili at napabilang na isa sa mga top 6 finalists ng Saranggola Blog Awards sa kategoryang tula!
salamat po sa good news!
mabuhay sa akin at sa lahat ng sumali sa Saranggola Blog Awards
Maligayang pagbati po! Umaasa po ako na maghahatid sa inyo ng tuwa ang aking pag-kabit (link) ng inyong sapot-lugar (web site), kasama ang lahat ng kasali sa Saranggola Dos, sa aking 2Rivers na kung saan lahat kayo ay malugod na inaanyayahan. Maaari din po ninyong ikabit ang inyong sapot-lugar sa MukhaLibro Pader (Facebook Wall) ng inyong likod. Tara, tena! Sumasainyo ang Pwersa at mabuhay ang panitikang Pilipino! Lubos na gumagalang, Jonathan Aquino
oo naman po ikinakatuwa ko ang inyong pagkawing sa aking hoshilandia Jr. maraming salamat din po sa inyong pagbati.
tsek ko po ang inyong blog!
mabuhay!
ang ganda ng mga tula, gusto ko yung pangalawa.
salamat Living Stain! Mabuhay!
ate hoshi 🙂
God bless po sa atin ^^
gusto ko yung huling tula. lalo na sa parte na “wag kang umaasa paligid mo’y maganda” kasi sa panahon ngayon, puro reklamo’t salita na lang ang kaya ng mga tao kulang na kulang na sa gawa. yung asal ay palala ng palala.
gandang araw!
yes good luck sa atin!
salamat at nagustuhan mo ang part na ‘yan.
bago kasi ang reklamo dapat tsek muna kong may aksyon na ginagawa.
kung ano ang itinanim siya ring aanihin.
mahusay na inilalahad ng unang tula ang resulta ng kawalang pakundangan natin sa pagtatapon ng basura… mula sa tinig mismo ng basura at ang kanyang ganti sa taong lumikha sa kanya.
Ang ikalawa’y paghahanap sa mga nilalang na sa libro na lang natin madalas masilayan. Nakakalungkot na ito’y bahagi ng sinasabing pag unlad. Sayang nga naman.
Hamon ang pangatlo.Tama ka, tayo’y magpakatao. Gusto ko yung pagbibigay mo ng direktang halimbawa tulad ng pagrerecycle at pagtitipid ng gasolina.
Panalo ito sa mensaheng Kalikasan ay dapat mahalin. Magkalaban man tayo sa timpalak ni blue, pero magkaisa tayo sa ating panawagan…
maraming salamat po at nagustuha ninyo ang aking mga tula. at siguradong-sigurado akong nabasa ninyo ang mga ito dahil sa maganda ninyong mga review. nakuha po kasi ninyo ang aking mga gustong ipabatid.
yes nagkataon lang isa itong contest pero lahat ay nagkakaisa na isulong ang pangangalaga ng ating kalikasan.
sana nag-iwan kayo ng bakas.
welcome and mabuhay Lipadlaya!
ba nakakaguilty ang tula mo, napaisip tuloy ako, kailangan na talagang magsimula na tayo.
Hi livingstain and welcome sa hoshilandia Jr!
salamat sa iyong pagbisita at nakakatuwang komento.
wow
panay ang sali ni hoshi, ah
hmp
akala ko pa naman special ako
at sumali ka sa online contest ko
hindi pala ako nag-iisa sa buhay mo
nyahaha
oo, salawahan ako. di mo ba alam yun?! hehehe
para pag talo ako sa’yo may reserba pa. hehehe
valid point
hehe
so talo ako sa pa-contest mo?!
hmp!
okay move on na ako. hahaha
ang lalim ng mga tgalog……hehgehe… pero mgndA….
hi rose and welcome sa hoshilandi jr!
lalim ba? hehehe at least naintindihan mo naman ata.
mabuhay!
balik-balik lang ha!
naisama ko na an iyong entry. Magkita kita tayo sa december 4, 2010 – awarding day!
thank you kuya Bernard. sana nga makadalo ako.
mabuhay!
dapat. lahat kayo dapat ay naroon.
hehehhe
tama!
“Binili akong maganda ang postura. Kahali-halina sa kanyang mga mata, Pero pagkatapos gamitin ako’y dinispatsa.” – Parang iba ang dating sa akin ng saknong na ito. Hahaha!
oo talagang may sabit yan. wahahaha
sa totoo lang di maisip kung anong uri ng pagtatalata ang ginamit sa 3 nasabing tula bagamat, sa bawat huling titik ay magkakasing tunog na kumakatawan sa isang uri ng pagtatalata, ang masasabi ko lang, mahusay ang tema at pagkakabanghay ng tula. Sumasalamin sa kasalukuyang katayuan ng ating inang kalikasan…
maraming salamat sa’yong komento at sa malalim mong mensaheb muntikan ko ng hindi maarok. wahahaha
matalinghaga. malalim. mabuhay ang hoshilandia!
lalim ba baka mahirap ng arukin. aruuu. hehe
salamat Jube!
Hoshi! Buti tula ang naisip mong kategorya. Huwag ka na sasali sa iba pa, please lang. =D
aray ko, parang pingahihinaan ako ng loob sa comment mo ah. hehehe
wow naman hoshi!kasali ka na rin…ibig sabihin,malamang na mameet kita dahil may get together ang saranggola blog awards.
excited na ko at goodluck!!!ang ganda rin ng entry mo.the best nga pala yung number 3 para sa akin.reality check,tama ang mga sinabi mo tungkol sa asal at ugali ng tao.
at talagang ang inuna ay ma-meet ako. makilala mo kaya ako? madalas akong magkubli eh o kaya di pala attend ng mga red carpet premier. wahahaha
salamat at nagustuhan mo yung three. subok lang naman ang lahat.