Part-time job, freelance, side hustle, o sideline ay isang good source of extra income, especially if you think your salary is not enough for your needs.

Ang una kong na-experience na freelancing job ay natagalan ko ng 9 months. At yun lang ang trabaho ko nung time na yon. Then, after 2 years, ay nag-freelance job din ako pero habang may full time job.  Dati, bukod sa obvious meaning, hindi ko ma-explain ang pinagkaiba ng sideline, freelance, at part time job. Puwede ka kasing maging regular sa isang company kahit part time (oras ang usapan) mong ginagawa. Sa freelance job, per work ang bayad, at sa sideline job parang combo lang nung dalawang nauna.

Pero, mas stable ang part time job sa lahat. Kasi regular kang may trabaho at kita. Less lang ang benefits na makukuha mo kaysa mga regular full-timer.

Why am I doing a sideline /part-time job?

1. For Extra income – Yung totoo, may iba pa bang mas imi-major reason kaysa rito? Kung gusto mo pang umangat ang personal finance mo, isa na nga pagpa-part time job o freelancing sa makakatulong sa iyo na matupad ‘yon.

2. To use or hone my Skills. Kadalasan sa regular job may isa o ilang skills mo lang ang nagagamit. Pwede rin na minsan ay talagang pumapasok ka lang for the sake of money. If you think may chance to use your other talent(s) sa ibang pagkakataon, go for the gold! Ang talent hindi binabaon, pinagyayaman (Mathew 25:15-28)

3. To spend my free time wisely. Sayang ang oras na ginugugol mo sa mga walang kwentang bagay. Hindi ka palaging bata, hindi  ka palaging may pera o sapat ito sa isang trabaho lang, at hindi ka palaging may chance to prove yourself.

+To Learn more.  Hindi ka binabayaran ng isang company o client para ma-train ka kanila. Pero the more kasi napa-practice mo ang isang skill at nakaka-meet ka ng iba’t ibang tao ay mas yumayaman ang knowledge mo.

Tama rin ‘yong binanggit ni Ms. Elizabeth P. Ong sa kanyang librong So You Want to Be a Freelance Writer, nakaka-humble at nakaka-boost ng confidence ang pagkakaroon ng freelance job. Nagpapakumbaba ka kasi alam mong ganito muna ang kaya mo. Mauunawan mo lalo na marami kang dapat matutuhan, na nakakalakas naman ng loob dahil may nagagawa ka pang iba.

3 Major Issues to Face When Working Part-Time Jobs

So far naman, ilan pa lang naman yung bad experiences ko. Ang focus ko na lang ay sa maganda part at makapag-move na lang kaaagad sa pangit na karanasan. Iyong mga challenges at bad experiences ay motivation naman para mapabuti ang mga susunod kong trabaho o pakikipagtrabaho. Pero asahan na sa sideline job may chance na…

1. Poor coordination. Usually may point person ang mga freelancer at part timer sa isang company. Ang messy kapag ang point person mismo ang magulo, pero mas matindi kung pati kumpanya ay ‘di rin maayos. Kapag ganito kasi naku-compromise din ang workflow and pati ‘yong talent fee.  

May horror experience ako na nalagyan ng maling info ang work ko. Nagalit sa akin yung subject ko, at nung time na bayaran, ‘yong fee ko napunta sa ibang tao dahil lang sa magkaapelyido kami. Kahit magkasundo kami noong supervisor (hindi noong coordinator), hindi na ako umulit sa kanila. Horror eh!

2. Too demanding sa time at pagkakagawa ng trabaho.  Motivation ko ang deadline sa trabaho. Isa ‘yan sa kinaklaro ko agad para alam ko kung paano ko i-squeeze yung time ko (sa blogging, lakwatsa, social media, pagni-nail cutter, pagpapakain sa mga alagang aso, at iba pa). Pero may time talaga, sabay-sabay na may ganitong demand sa full time job mo at kailangan mo naman matapos kaagad ‘yong sa sideline mo. At minsan ay mas demanding pa yung sa sideline.

Maganda na masabi sa sideline, freelance or part time job mo na may iba kang trabaho. Gayon din ang availability mo para klaro ang boundary nila sa time at expectation. Ang ideal talagang sideline/ freelance job, kung mayroon kang full time, ay magagawa mo after work or weekend. Pinakagusto kong setup ay flexible time.

3. Payment problems. Risky rin ang freelancing o sideline. Hinuhuli o kasama ka sa mga nakabukod na iisyuhan ng sahod. Ako, pinagbibigyan ko sa una ‘pag late lang ang bayad. Pero ‘pag palagi na ay umaalis na ako. Hindi rin ako ako umuulit na kung hindi binayaran yung una kong ginawa.

No excuse sa akin yun. Una pa lang sablay na? Kung ano man ‘yong nakuha nila sa akin, eddie sa kanila na. Para silang nagnakaw ng isang basong gatas, puwede naman silang mag-alaga ng cute and healthy cow para mas maraming source ng gatas. Sa experience ko naman, digital na ang karma at dumudoble ang blessings.

Okay naman ang paisa-isang freelance job. Be ready lang na sa dry spell na minsan walang project. Siyempre kung tight na ang budget ng client ay priority nya ang regular at full time employees nya. Solo flight lang din ang drama ng isang freelancer, even minsan sa part timer. Expect mo na ang baba ng chance na magkaroon ka ng malalim na connection sa company, espcially sa employees and officials. Usually, kung sino lang point person sa freelance or part time set-up ay sya lang talaga makakausap mo.