Sa pagpapatuloy ng aking Movie Review ng A Second Chance, gusto kong tutukan ang pagganap nina John Lloyd Cruz and Bea Alonzo bilang Popoy at Basha Gonzales. Babalikan ko rin ang kanilang karera base sa aking memorya at sariling sentimiento. Para sa akin kasi notable silang dalawa sa mga artistang sumikat mula sa love team.

A Second Chance: Lloydie as Popoy Gonzales and Bea as Basha

Hindi ako binigo ni Lloydie, sa pag-revive niya kay Popoy at sa kanyang mahusay na pagganap. Gaya ng nabanggit ko sa Movie Review I ay naramdaman ko yung inis, hirap at frustration ni Popoy. Ewan ko kung made-deliver yun ng ibang actor, but so far siya pa lang sa mga napanood kong Pinoy na artista ang may ganoong depth.

Hindi ko alam kung paanong ang simpleng pagtapon ng bill ng kuryente, pagyuko n’ya sa halik ni Ara (Arci Munoz), ang paghagis n’ya ng plato, at ang pagtingin n’ya sa marker ng kanilang opisina ay ang lakas ng dating sa akin. Alam mo yung hindi lang dumaan yung mga eksenang iyon, kundi nagparamdan na may hugot—makahulugan. Ganun katindi! What more pa sa mga eksena n’ya na nagbitaw na siya ng matitinding dialogues.

At ilang beses kong uulit-ulitin na humahanga ako sa actor na kapag pinapanood ko sa movie, hindi siya ang nakikita kundi ang kanyang karakter. As Popoy ganun siya sa akin at kahit na as Sir Miggy (A Very Special Love, You Changed my Life, and It Takes a Man and a Woman). See! Siya pa lang ang artistang naalala ko nakakagawa ng ilang movie sequel at nakapagmarka ng 2 classic characters at parehong box office hits pa!

Sa part ni Bea, habang pinapanood ko sa A Second Chance ay hindi siya ang Bea na napapanood ko sa TV. S’ya si Basha na kasangga ni Popoy. Yung kahit lintik naman, sarap iwan ng asawa n’ya dahil sa ang hirap-hirap nitong intindihin ay nariyan pa rin s’ya. Makikisimpatya sa pinagdadaanan n’ya at kahit ayaw mong iwan n’ya si Popoy, maiintindihan mo rin kung in case na gawin n’ya.

Favorite kong eksena yung ipinagmamalaki n’ya si Popoy sa pinsan nitong si Pedro (Billy Crawford). Iyong pinisil niya ang kamay ni Popoy para pigilan sa pagkuda sa kanilang potential client. Iyong pag-aayos niya ng bahay nila at pagbili ng gamit na may nakasalubong s’yang classmate. Actually, ipag-plus-plus mo ang mga eksenang iyon pero ibibitaw niya lang ang suma total (ng sama ng loob) sa hagdanan sa bahay nila. Kung episode ito sa Maalaala Mo Kaya, dapat title nito ay Hagdan o Altar. Chuz!

John Lloyd, Bea, and Their Love Team

In a way, though not an avid fan-level, nasundan ko ang love team nina John Lloyd and Bea. IMHO, yung sa kanila ay ang ideal on screen tandem. Kasi kahit never na naging sila, nandoon yung spark na nanggagaling sa kanilang galing sa pag-arte. Yung acting na hindi panloloko (sa publicity o chismis) kundi artistry. At hindi yung sikat sila kasi dahil sa kung anu-anong acting projects nila ng hiwalay o together.

Anong exceptional kay John Lloyd Cruz? Sa dami ng mga projects ni JLC noon, na-appreciate ko lang talaga siya nung napanood ko ang Maging Sino Ka Man. Dumura lang s’ya doon (ekseina with Christopher de Leon) pero wow—pati iyon ay may acting? Napanood ko rin yung film series niya with Sarah Geronimo, then yung sa kanila ni Toni Gonzaga at Angel Locsin. Yung mga movies na iyon rom-com na rom–com, pero nevertheless ipinamalas pa rin ni JLC yung acting prowess n’ya. Okay din ang galing n’ya sa The Trial na kahit marami na ang gumanap sa ganung papel ay iba pa rin yung atake n’ya. And Come to think of it, JLC is not a hunk, singer or dancer pero solid na ang kanyang career sa showbiz. All because sa galing lamang n’ya sa acting. He’s a proof that you don’t have to be a multi-talented (gaya ng sinasabi ng ilang TV or movie stars today). It’s about being best, if not exceptional, sa iyong craft.

Anong special kay Bea Alonzo? Nagmarka si Bea sa akin bilang isa sa mga artista na pinapaganap ng mas matanda kaysa edad niya noon (like what ABS-CBN doing kay Julia Montes). I think na-survive ni Bea iyon dahil kaya niya, magaling sa pagganap. Well, she once tried na maging recording artist at nagsasayaw din sya dati pero good thing na nag-concentrate siya kung saan sila magaling ni John Lloyd.

Kung ako ang tatanungin, ang ultimate recipe of longevity sa showbiz ay hindi fame and love team, kundi talent.

Kaya, I commend those longing to master their craft because there will never be a second Bea Alonzo, Angel Locsin, John Lloyd, Piolo Pascual, Christopher de Leon, or Fernando Poe Jr. 

Yes, commercialism is a big factor, but you can’t commercialize sa mahabang panahon ang star na walang talent. Ganun din ang kulang sa paghandle ng sarili. Tandaan sana ‘yan ng mga young actors ngayon.

Verdict: So, for me, it’s 5 stars out of 5 stars for A Second Chance. People behind this movie deserved awards and recognition, including another record-breaking box office hit.