If you had the chance to receive $100M, what would be your first three priorities for spending it? How does your money mindset affect your choices and ways to manage this amount? Nag-start itong question ko sa mga housemates ko dahil na-curious ako. Paanong iisa kaming kinalakhan, pero iba-iba kami ng generation, personality, interest, at money mindset.
(If you’d like to share your answer sa survey, please don’t hesitate to comment below⇓)
The Survey: What are the first 3 things you’ll do if you win $100 million?
Aside sa mga kapamilya ko ay nagtanong din ako sa Facebook at Quora. Pero sabihin na natin na ang mga kamag-anak ko ay representative ng mga Pinoy na may payak na pamumuhay at tradisyunal. Sa 6 na tinanong ko ay 3 ang nagsabi na ang uunahin nila ay bahay, then charity, at sasakyan. Sa 6 na tinanong ko ay 5 ay generation X, 1 generation Z, at 1 generation Y. Tatlo rin sa kanila ay nag-OFW, isang PWD, at isa ay junior high school student.
Samantala sa Facebook, 13 ang sumagot sa pa-survey ko. Sa aking kuro, sila ang mga Pilipinong may kamalayan sa iba’t ibang klase ng investments. Iyong iba ay hindi lang basta nagsabi na magnenegosyo o mag-i-invest. Tinukoy mismo kung ano. Ang kanilang “identity” sa table ay base lang sa pagkakilala ko sa kanila sa Facebook.
Total points if rank 1= 50, 2=30, at 3=20
Charity = 340
Business = 210
Insurance = 170
Investment = 160
House & lot/ Farm = 140
Travel = 120
Study = 80
Pay Debt = 50
Although investment ang pagbi-business, hiniwalay ko ito sa ibang uri gaya ng stock market, mutual fund, foreign exchange, at iba pa. Ang house and lot at farm ay pinagsama ko na rin dahil gagamitin na pang personal.
Mayroon naman 11 na seryosong foreigner na sumagot sa Quora. Ilalagay ko ito sa part two ng post na ito. Sa aking palagay ay mainam din na makuha ang kanilang ideya para maikumpara kung anong pagkakaiba natin sa ibang lahi.
The Analysis/Realizations on If You Win $100M survey (part 1)
Medyo malaki ng pagkakaiba ng choices, ranking, at points ng mga sumagot sa Facebook at Quora. Pero magpo-focus muna ako ngayon sa mga realizations at analysis ko sa mga Pinoy base sa sagot na nakuha ko sa Facebook.
Humanity is still alive. Ang akala ko ay iilan lang makakaisip o kaya ihuhuli ang pagkakawang-gawa. Pero iba talaga ang mga Filipino! Marahil dala na rin ito ng ating kultura at pang-unawa na marami sa ating kapwa ang naghihirap. Hindi natin palalampasin na makatulong kung may pagkakataon.
Kung babasahin pati ang kung anong klaseng charity works ay karamihan ay pang simbahan at kasunod ay edukasyon. Ibig sabihin nito ay ganoon katindi ang ating pagyakap sa ating pananampalataya.
Business is to stay richer or we just not aware of other type of investments? Hindi na ako nagtataka na ang pagbi-business ang isa sa top 3 choices. Alam mo kung bakit? Ang mga Pilipino kung hindi sumasahod, kumikita sa kanyang kabuhayan o negosyo. Kung ayaw ng maging empleyado ay pagnenegosyo ang tinatahak.
Mahirap tukuyin kung ano ang papatok at alin ang bagay na kabuhayan sa isang tao. Subalit, maganda sanang next question ay gaano ba sila kahanda na magnegosyo? Kung pagnenegosyo ay isang risky investment ay ano ang kanilang plano o alternatibo? Mayroon pa ba silang ibang alam na klase ng investments?
May paghahanda sa “emergency” at “future.” Kung ako ang sasagot sa pa-survey ko, ang uunahin ko ay insurance. Anything na may kinalaman sa mase-secure ako. Kasama na roon ang pamilya ko at mga assets gaya ng lupa at bahay.
I thought, napakaunti ng mga Pilipino na pinapahalagahan ang insurance pero hindi naman pala. This is good news for the insurance companies at financial companies gaya ng SSS. Ang dami ko ring nakausap na tumanda na lang na hindi nagbabayad ng SSS. May rin na talagang kahit anong emergency.
Good financial advice may be unpopular, but it’s a smart choice. Ang mag-hire ng isang financial planner o councilor ay recommendable. I commend yung mga nakakaisip ng ganito kasi it helps you to make smart decisions para sa paglalagakan ng pa iyong ibang milyones.
Siempre puwede naman na top 4 or top 15 ito sa iyong ranking. Ideal at practical nga lang kung ilalagay sa top 3. Mahirap na lalo sa isang biglang yaman na mag-manage ng malaking pera. Hindi malabong magagastos saan man n’ya gusto. Kaya siguro maraming nananalo sa Lotto na nauwi rin sa paghihirap. Hindi naman tamang investment o assets ang kinuha, kundi puro liabilities.
Gusto ko rin ibahagi yung nabasa ko na meaningful opinion ni Devon Franklin, isang film produce, speaker, and author sa kanyang interview sa Entrepreneur. Anya, kapag ang yaman o tagumpay ng madalian nakuha ay madali rin nawawala. Ikinumpara n’ya ito sa pag-akyat sa ika-20 palapag ng isang gusali gamit ang elevator o hagdan.
You might get here (through elevator); but you’re not going to know how to manage it.
Kung aanalisahin ang kanyang sinabi, maaaring ang isang tao ay makamit ang tugatog ng tagumpay sa pagyaman. Subalit, hindi n’ya malalaman kung paano ito pamamahalaan kung na-miss n’ya ang importanteng mga hakbang. Hindi nito malalaman ang saysay ng tagumpay kung hindi nagdaaan sa proseso ng buhay.
How about being debt-free? Hindi ko rin inaasahan na kasama ito sa top 3 lalo na sa Quora. Kasi depende rin naman sa mga natanong ko, kung may mga utang ba sila. Pero kung may utang man, commendable din ang mga taong uunahin bayaran ang kanilang loans or debts. Ang utang ay bad credit hindi lamang sa financial aspect. Ito rin ay nakakaapekto sa relasyon, tiwala, at respeto sa iba.