Second time ko pa lang gawin ang  mag-Visita Iglesia nang pinuntahan namin ang churches in Quezon City and Manila. Hindi ito hindi sobrang nakakapagod kundi isang wonderful meditation. Kasama ko ang aking dalawang kaibigan na mas may alam sa practice na ito at nagga-guide pa sa akin.

From the original 7, we went to 14 churches in Quezon City and Manila. Yung iba na-research namin through the net, habang yung iba ay mga alam na namin at kanya-kanya kaming nagturo. Isa lang actually yung naiambag ko yung sa San Beda Church.

1. San Isidro Labrador Parish

(Philand Drive, Bgy. Pasong Tamo, Tandang Sora, Quezon City)

Malaki ang simbahan na ito na nasa kalagitnaan ng komunidad. Nang pumasok kami rito ay may mga kabataan na abalang-abala marahil sa isang drama na kanilang isasagawa na puwedeng Senakulo.

Dito ko binasa ang First Station of the Cross, na unang beses ko ring ginawa sa buong tanan ng buhay ko. So medyo malakas ang pagkakabasa ko, sana lang ay hindi ko naistorbo yung mga Aleng nasa likuran namin.

2. Santuario De San Vicente Paul

(St. Vincent Seminary-221 Tandang Sora Avenue, Quezon City)

Bago-bago pa ang simbahan ng St. Vincent Seminary nang mapadpad kami rito. May malawak itong lote at napakagandang façade at pintuan. Maaliwalas ang dating nito at mahangin, sa loob at labas. Naka-attend na rin ako ng kasal rito at okay na okay dahil mayroon ditong air-conditioned na event place sa likod.

3. Our Lady of the Annunciation Parish

(St. Dominic 3 Subd., Mindanao Ave., Ext., Tandang Sora, Quezon City)

Kilala rin ang simbahan na ito sa tawag na St. Charbel Church dahil sa ngalan ng sikat na village na katabi nito. Ayon yan kay Ate Tet. Ang Station of the Cross (SotC) nila ay nasa ibaba ng church. Columbarium ata itong tunnel, na lulusot sa kabilang pintuan, dahil may mga libingan ng mga abu.

4. San Nicolas De Tolentino Parish

(20 Neptune Street, Congressional Subd., Proj. 6, Quezon City)

May misa noong dumating kami at tila walang nagbi-Vista Iglesia na kasabay namin. Kaya habang binabasa ni Ate Tet ang third SotC ay halos siya lang nakakarinig. Malaki at maaliwalas din ang simbahan na ito na elegante ang façade.

5. Our Lady of Mt. Carmel Parish

(Project 6, Quezon City)

Nasa harapan at gilid lang ng simbahan na ito ang SotC. Tama lang din para kapwa hindi makaapekto sa isa’t isa ang uma-attend ng misa at mga bumi-visita. Pero dahil first time naming ni Avi dito ay pinasok namin ang loob para kunan. Maganda ang color combination at pati na ng lighting sa altar ng church na ito.

6. Our Lady of Hope Parish Church

(107 Rd. 3, Pag-asa, Quezon City)

Maliit lang ang church na ito pero engrande ang dating. Kahit nga nang kunan namin ito mula sa tawid na street ay parang mapapakinggan o malapit ka lang sa altar.  Likod na likod lamang ito ng SM North Edsa.

7. Santuario de San Pedro Bautista Archdiocesan Shrine

(69 San Pedro St., SFDM, Quezon City)

Dito namin napansin na ginabi na kami dahil madilim na masyado ang paligid para kunan ang façade ng simbahan. Pero buti na lang ay naabutan pa namin na bukas ito at makita ang altar nito na magara ang dating. Kahit nga sa SotC ay inaaninag na lang ni Ate Tet ang pagbabasa. (ito ang second oldest church in the Philippines ayon sa Wikipedia)

8. National Shrine of Our Lady of the Holy Rosary or Sto. Domingo Church

(537 Quezon Ave., Quezon City)

Tinapos na namin dito ang SoTC namin at marami-rami rin kaming nakasabay sa pagbabasa. May Blooper lang ako na siyang nagbasa ng last station.  Nakalagay kasi sa binabasa ko ay “Our father… Glory Be… Hail Mary…” hindi ko napansin na as is ko sinasabi. Buti na lang napansin ni Avi na pagkatapos ko na Mag-our father ay hindi ko sinundan ng “who art in heaven…” pare-pareho tuloy kaming matawa-tawa habang tinatapos ‘yung dasal.

9. Minor Basilica of the Black Nazarene or Quiapo Church

(Plaza Miranda & Quezon Blvd., Manila)

Nakapasok at nakaupo kami sa loob ng pamosong church na ito na malayo sa ini-expect ko.

10. Basilica Minore de San Sebastian or San Sebastian Church

(Plaza del Carmen, C.M. Recto Manila

Manghang-mangha pa rin ako sa Church ito lalo na sa ambiance at architecture. At tulad ng sinabi ko sa una kong Visita Iglesia, hindi pa rin nagbabago. Hehehe whatever that was.

11 San Beda College Benedictine Abbey Church

(639 Mendiola Street)

Ang San Beda Church ay mismong nasa unahan lang ng San Beda College. Since first time dito ni Ate Tet kahit nag-high school siya sa V.Mapa , eh amaze na amaze siya sa architecture ng buong simbahan. Hindi ko naman siya masisi dahil kahit pabalik-balik na ako dito e, hindi nagbabago ang kagandahan nito para sa akin.

12. St. Jude Thaddeus Archdiocesan Shrine

(1420 J.P. Laurel St., San Miguel, Manila (beside Malacanang))

Hindi na kami nakapasok ng simbahan sa dami ng tao, dahil Thursday na araw ng simba dito. Pero doon kami sa pagla-light ng candle at tig-7 candles kami ha. Lagi kong ginagawa ang pagsisindi ng kandila dito at napapansin ko na laging nag-iiba sila ng rules. Gusto nila that time ay floating candles naman.

13 National Shrine of St. Michael and the Archangel or San Miguel Church

(1000 J.P. Laurel corner Gen. Solano St., San Miguel, Manila)

Sarado na ito ng mapuntahan namin kaya hindi kami masyado nagtagal. Matapos magdasal ay nag-picture na lang kami ng façade at pamosong San Miguel na makikita mo rin halos sa gin. Iyon nga lang hindi demonyong may pakpak ang kalaban nya rito.

14. Christ the King Mission Seminary

(1101 E. Rodriguez Sr. Ave. Quezon City, Philippines 1112)

Malaki rin ang lote nito at may ilan ding naka-display na imahe sa labas. Kakatuwa lang din ang imahe na nasa façade nito at nakakaaliw naman ang arrangement ng mga kandila sa altar. Gusto na sana naming mag-confession pero pare-pareho kaming hindi handa. Hindi ko ata alam kung anong uunahin kong ikumpasal e.

Usually 7 ang church ang bibistahin, at kung kakayanin o sisipagin ay 14. Iyan ay dahil 14 ang Stations of the Cross. Dito sa lakad namin ay nagsiguro na kami tapusin iyong pagdadasal ng station of the cross sa ika-7 or 8 simbaham. Nagsiguro na rin kami just in case di namin maabot ang 14. eh kinaya.