Dalawa pala ang Our Lady of Lourdes Grotto sa Pilipinas na ang unang alam ng lahat ay iyong nasa Baguio. Pero dito sa pinuntahan namin ni Syngkit for Easter Sunday con Thanks Giving ay ang replica ng buong simbahan ng Our Lady of Lourdes Grotto in France kung hindi ako nagkakamali.
Ilang beses na rin akong nakapunta rito na iyong mga una ay nung binibitbit pa ako ni Manang Juling. Naalala ko naghanap pa kami ng malalagyan ng Holy Water na puwedeng iigib at nagbabalak kaming manghingi ng saklay para sa aking kuyang Pilay.
Sa pagbabalik ko sa simbahan na ito matapos ang ilang taon ay halos wala itong pinagbago. Naroon pa rin ang mga tao na ang iba ay ginawang picnic venue ang ilang parte nito. Hindi mo naman masisisi sila dahil sa lawak ng lugar at tingin ko bahagi na rin ng set up ito. Ang layo kasi ng simbahan sa kabihasnan lalo na kung manggagaling ka sa South gaya ng Makati, Pasay at iba pa. Kung baga para masulit yung stay gawin mo na rin siyang excursion ng inyong barkada o pamilya. Utang na loob lang, huwag lang sana magkakalat.
Malawak as in wide ang vicinity ng simbahan na ito pero ‘yong mismong church ay tama lamang. Kung i-describe ko nga ito sa aking mga kakilala ay church na may flyover sa itaas. Maganda rin naman ang façade nito pero hindi ito ‘yong tipong kagaya ng mga Spanish church architecture na madalas nating makikita.
Sa paligid ng bandang likuran ng church ay dun na maikita an replica ng Grotto na pinipilahan talaga ng mga tao. Nandoon din iyong sinasabi kong mga saklay, iyong igiban ng Holy Water at ang life size station of the cross. Medyo malalayo ang pagitan ng bawat istasyon na ‘yung iba aakyatin mo pa. Hindi na kami gaanong nag-ikot dahil una ay nakapag-Visita Iglesia na rin kami.
Kung nais mong magpunta, ang pinaka-the best na way ay mag-SM Fairview ka at pagkababa mo roon ay sumakay ng jeep (baka may bus din) papunta na Our Lady of Lourdes Grotto na nasa Graceville, San Jose del Monte City, Bulacan. Mula SM ay 16 pesos ang pamasahe at ang pabalik dun buhat sa Grotto at 13 (as of April 8, 2012).
Nice to see the website, I used to pray especially during Holy Week.
actually po kahapon ko lang nalaman,sinabi nung pari during his sermon na hindi sya kinikilala ng simbahang katoliko,na ex-komunikado na pala ang simbahan ng Grotto, lage kami dito nagsisimba dati nung lumipat kami ng SJDM…lumipat lang kamo sa simbahan sa may Tungko kasi wala kami maintindihan sa misa dun sa Grotto at tipong lage nagmamadali mag misa yung pari.
Oo nga sayang, parang nakakabawas ng something sa iyong pagpunta roon at ganun din naman yung hindi mo ma-feel yung sincerity. of course sa end ko, i don’t want to judge yung mga pare na ganun anyway, they like teachers na may kanya-kanyang style. kung baga tayo na humanap ng sarili nating classroom kung saan tayo mas matututo.
Salamat and welcome sa Hoshilandia Dan!
hnd po totoo un
1960’s lang po ang simbahang ito, built by a cancer patient na gumaling nung pumunta siya sa France… Twice po nagmisa dito si Cardinal Sin nung nabubuhay pa… Ang Carillon bells nito ay itinalaga noong 2010 lang, graced by the then President Gloria Macapagal Arroyo…
Nakakalungkot nga lang at hindi nga ito kinikilala ng Simbahang Katoliko. The story is, gusto sana nng Diocese ng Malolos na sila na ang mamalakad sa affairs ng Grotto at mai-donate sa kanila ang property kaya lang hindi pumayag ang may-ari…
Yun po ang dahilan…
simple lang po ang dahilan kung bakit hindi kinilala ng mga negosyanteng kaparian..,PERA! ang donasyon na sana eh sa ika-uunlad ng lugar eh pinag-interesan na hindi naman dapat, ‘di ba? at ‘yun na nga., pati ‘yung buong property eh gusto pang ariin at angkinin! siempre pa., kung ikaw ang may-ari? papayag ka ba? kaya hayun…, -itsa-pwera na ng negosyanteng kaparian!
AT ang masama pa eh mananakot pa sila na mapapasa-impyerno daw ang kaluluwa kapag ikaw ay naniwala at nagpunta sa lugar na ‘yan! Tama ba ‘yun….?!
is it open everyday?
panay ang gala, ah!
kelan ka naman sa france, ha?
hehe
patapusin ko lang ang summer dito, sayang naman ang heat pampawis din. wahaha
Tama po yung post ni Art. Di po recognized ng simbahan. Excommunicated po ito. Ang alam ko po is regarding the ownership po kasi (private) and yung gusto nilang palakad na hindi sang ayon sa buong simbahan. Kaya po pansin nyo rin, wala po halos misa dito. Kung meron man, sa pagkakaalam ko po ay aglipayan priests po at hindi catholic priests.
ah ganun po ba. hindi ko napansin na aglipayan priest yung nagmimisa, kasi same na same naman ang set up pati na yung loob ng simbahan.
Ang Simbahan sa Grotto, San Jose del Monte ay hindi kinikilala ng Simbahang Katoliko.
talaga?! ito ba iyon? actually sinabi na rin ito ng kuya ko e dahil daw sa mga pari. pinuntahan ko pa rin kasi matagal na akong di nakakapunta at yung friend ko gusto talaga magpunta.
pero tiningnan ko sa net nasa list siya ng mga simbahan ng Our lady of Grotto.
nabasa ko lang po sa misal.
Matanda na ba itong simbahan na ito (as in yung tipong panahon ng Kastila) o medyo bago pa?
bago-bago pa boss tim. makikita mo pa ang panahon mo rito, hehehe