Ang kakayahan sa pakikinig o listening skill na siguro ang hindi masyado nabibigyan ng atensyon sa pakikipagkomunikasyon. Ang epekto? Nahihirapan umunuwa, mag-aral, makipag-ugnayan at iba pang bagay. Listening is important to receive, understand, and remember a message. Sa malalim na aspeto, sa pakikinig ay mas maunawaan ng tao hindi lamang ang sinasabi ng bibig, kundi maging ng isipan at puso tao.

Benefits ng pakikinig nang mabuti 

Sa modernong pamumuhay ay halos lahat ay hinihikayat na ipahayag ang kanilang mga ideya sa pamamagitan ng public speaking, pag-awit, pagpo-post sa social media at iba pa. Bagaman importante ang speaking, note that in communication someone will be the receiver ng message (kahit ikaw lang din ‘yon o ikaw ay nagse-self talk). Kaya, ang pag-improve ng listening skill ay maraming bentahe gaya ng mga sumusunod: 

Para mas epektibo ka sa communication. Ang isang susi sa paggaling sa pag-aaral ay ang pagiging pagiging epektibo sa komunikasyon. Nabanggit ko ito dahil nag-aaral tayo sa pamamagitan ng lecture, class discussion, pagbabasa ng libro, panonood ng video tutorial o pakikinig sa radyo. Kung hindi ka marunong makinig paano mo masasagap nang maigi ang leksyon? Sa real world, mahalaga ng pakikinig sa job interview, corporate meeting, business negotiation at iba pa. Kapag hindi ka marunong makinig, mapapabilis ang iyong panghusga sa paksa o taong kahit hindi mo pa lubos naiintindihan. Marami nang napahamak sa maling akala. Isa pa’y maraming problema sa pagiging passive listener. 

Ano ang passive listener? Bilang tagapakinig ay mahirap intindindihin ang napakinggan kung may ibang ginagawa. Isa itong halimbawa ng multi-tasking na sa maraming pag-aaral ay sinasabing hindi maganda ang dulot sa productivity. Ang passive listening ay ang nangangahulugan din ng pakikinig para makatugon lamang o panandaliang pagkabisado sa mensahe. 

Hindi nga ba’t nakakairita na makita na habang nagsasalita ka ay gumagamit ng mobile phone ang kausap mo? Kapag ginagawa sa akin ito ay madalas tumitigil ako sa pagsasalita. Ang dating nito sa akin ay hati ang atensyon ng aking kausap, hindi n’ya prayoridad ang makinig sa akin o baka pointless lang usapan namin. Bukod dito, tila walang respeto ‘yong nakikinig. 

Para gumaling ka sa pag-aanalisa at pag-aaral. Madalas nagkakaroon ng misinterpretation sa mga text message, chat at email dahil iba ang dating. Ang isang salitang nakasulat ay maaaring maraming kahulugan at konteksto. Ano pa kung ito pala ay sarkastiko, pabiro o kasinungalingan? Minsan nga ay mas madaling malaman ang isang ‘di pamilyar na termino sa pamamagitan ng pakikinig kong paano ito ay binigkas at ginamit sa pangungusap. At hindi kayang tapatan ng emoji o gif ang boses na magiliw kung pakinggan. 

Ang taas o hina, kalidad, at punto nang nagsasalita ay nagbibigay pa ng clue sa mababaw o malalim na interpretasyon ng mensahe. Kaya nakakatulong ang listening skill sa mas mahusay na interpretasyon at pagpapalawak ng pananaw. Kung iisipin, ang hindi pakikinig ay pag-iwas sa maaari mong malaman o madiskbure. 

Ang pagsasalita (speaking) pati ay pinakamabilis na paghahatid ng balita at aral. Hindi naman lahat ng tao ay kayang makipag-communicate sa pamamagitan ng pagsulat, pag-type sa smartphone, at iba pa. May iba na wala na rin oras para gumamit ng iba pang paraan.

Sa malalim na pagninilay, maraming rin tao na ni hindi kayang pakinggan ang kanilang sarili. Nasanay na sila sa pagiging bingi sa sigaw ng kanilang kalooban o katotohan kaya mas nahihirapan silang ma-analye o makilala kung sino sila at saan ang kanilang tungo. 

Paano paunlarin ang iyong listening skill 

Just listen. Hanggang maaari ay ‘wag gumawa ng ibang bagay na makakaapekto sa pakikinig nang mabuti. Kung meron man na madalas maisabay dito ay ang pagsusulat. Pero kung hindi naman kailangan magtala ay maiging ‘wag ng magsulat at makinig na lamang sa pinakikinggan o sinasabi ng kausap. Isa pa’y nakakagulo din sa pag-intindi ng mensahe kung minamadali at isusulat lahat-lahat. I think it is a hard and ineffective method.

Ano ang active listener? Ito ang taong may active listening, nakikinig na may intensyong pagtuunang mabuti ang paksa, leksyon o pinag-uusapan. Ginagawa ito upang unawain o umunawa kaysa ano pa mang kadahilanan gaya ng makapagbigay ng opinyon agad-agad. Sa tuwing ginagawa ito ay mas naaanalisa at naproseso sa sarili ang paksa. Bukod pa siyempre sa nakapagbibigay ng respeto at pagkakataon makuha ang sinasabi ng iba. 

Record. Kung gusto mong mabalikan ang lahat-lahat ng napakinggan ay mag-audio recording na lamang kung ito ay pinahihintulutan. Ginagawa ko ito sa lecture, research interview o pakikipanayam, training na dinadaluhan at  iba pa.

Listen and note the important points/ideas only. Madalas ay kailangan na mag-notetaking habang nakikinig sa meeting, lecture at iba pa. Pero mas mainam pa rin ang makinig muna at saka gumawa ng note sa mahahalagang puntong nakuha. Sa ganitong paraan ay napo-proseso mo rin sa iyong isipan ang aral at ideya. 

Listen and doodle/ scribble. Matagal na iniugnay ang doodle/ scribbling sa walang saysay na gawain habang nagkaklase. Subalit may mga pag-aaral na ang pagdo-doodle o scribble ay paraan ng noteking ng batang ma-visual or mas mataas ang visual literacy. Maaari mo rin itong gawin habang nakikinig, may kombinasyon man ng pagsulat o wala. Ginagawa ko ito lalo na sa pagkuha ng direksyon sa lugar, computer keys to use at iba pa.