Ang kakayahan sa pakikinig o listening skill na siguro ang hindi masyado nabibigyan ng atensyon sa pakikipagkomunikasyon. Ang epekto? Nahihirapan umunawa, mag-aral, makipag-ugnayan at iba pang bagay. Listening is important to receive, understand, and remember a message. Sa malalim na usapan, sa pamamagitan ng pakikinig ay mas maunawaan ang sinasabi ng bibig, isipan at puso ng isang tao.

Benefits ng pakikinig nang mabuti 

Sa modernong pamumuhay ay halos lahat ay hinihikayat na ipahayag ang kanilang mga ideya sa pamamagitan ng public speaking, pag-awit, pagpo-post sa social media at iba pa. Bagaman importante ang speaking, remember someone will be the receiver of the message. Kahit ikaw lang din ‘yon o kung ikaw ay nagse-self talk. Kaya, ang pag-improve ng listening skill ay maraming bentahe gaya ng mga sumusunod: 

1. Para mas epektibo ka sa communication. Ang isang susi sa paggaling sa pag-aaral ay ang pagiging pagiging epektibo sa komunikasyon. Nabanggit ko ito dahil nag-aaral tayo sa pamamagitan ng lecture, class discussion, pagbabasa ng libro, panonood ng video tutorial o pakikinig sa radyo. Kung hindi ka marunong makinig paano mo masasagap nang maigi ang leksyon?

Sa real world, mahalaga ng pakikinig sa job interview, corporate meeting, business negotiation at iba pa. Kapag hindi ka marunong makinig, mapapabilis ang iyong panghusga sa paksa o sa isang tao. Ang di pakikinig ay magiging dahilan ng di rin lubos na pang-unawa. Marami nang napahamak sa maling akala.

Isa pa’y maraming problema sa pagiging passive listener. 

Ano ang passive listener? Bilang tagapakinig ay mahirap intindindihin ang napapakinggan kung may ibang ginagawa. Isa itong halimbawa ng multi-tasking na ayon sa maraming pag-aaral ay hindi maganda sa productivity. Ang passive listening ay ang nangangahulugan din ng pakikinig para makatugon lamang o panandaliang pagkabisado sa mensahe. 

Hindi nga ba’t nakakairita na makita na habang nagsasalita ka ay gumagamit ng mobile phone ang kausap mo? Kapag ginagawa sa akin ito, madalas tumitigil ako sa pagsasalita. Ang dating kasi sa akin ay hindi prayoridad ang makinig sa akin nung tao. Baka pointless lang din ang usapan namin. Bukod dito, tila walang respeto ‘yong nakikinig. 

2. Para gumaling ka sa pag-aanalisa at pag-aaral. Madalas nagkakaroon ng misinterpretation sa mga text message, chat at email dahil iba o malabo ang dating. Maaari kasing ang nakasulat na mensahe ay maraming kahulugan at konteksto. Ano pa kung ito pala ay sarkastiko, pabiro o kasinungalingan?

Madalas ay mas madaling malaman ang ‘di pamilyar na termino sa pakikinig kung paano ito binigkas at ginamit sa pangungusap. Gayon din, ang taas o hina, kalidad, at punto nang nagsasalita ay pwedeng clue sa interpretasyon ng mensahe. Kaya nakakatulong ang listening skill sa mas mahusay na pang-unawa at pagpapalawak ng pananaw. Kung iisipin nga, ang hindi pakikinig ay pag-iwas sa pwede mong matutuhan. 

Ang pagsasalita (speaking) pati ay pinakamabilis na paghahatid ng balita at aral. Hindi naman lahat ng tao ay kayang makipag-communicate sa pamamagitan ng pagsulat.

Sa malalaim din na pagninilay, mapapansin na may ilan na ni hindi kayang pakinggan ang kanilang sarili. Nasanay na sila sa pagiging bingi sa sigaw ng kanilang kalooban o katotohan. Dahil doon, mas nahihirapan silang ma-analyze o makilala kung sino sila o ano ang kanilang concern. 

Improve Your Listening Skill: Gabay para sa Mas Mabuting Pakikinig

1. Just listenm, don’t do or think anything else. Hanggang maaari ay ‘wag gumawa ng ibang bagay na makakaapekto sa pakikinig nang mabuti. Kung meron man na madalas maisabay dito ay ang pagsusulat. Pero kung hindi naman kailangan magtala ay maiging ‘wag ng magsulat at makinig na lamang. Isa pa’y nakakagulo din sa pag-intindi ng mensahe kung minamadali at isusulat lahat-lahat.

Ano ang active listener? Ito ang taong may active listening, nakikinig na may intensyong pagtuunang mabuti ang paksa, leksyon o pinag-uusapan. Ginagawa ito upang unawain o umunawa kaysa ano pa mang kadahilanan gaya ng makapagbigay ng opinyon agad-agad. Sa tuwing ginagawa ito ay mas naaanalisa at naproseso sa sarili ang paksa. Bukod pa siyempre sa nakapagbibigay ng respeto at pagkakataon makuha ang sinasabi ng iba. 

2. Record. Kung gusto mong mabalikan ang lahat-lahat ng napakinggan ay mag-audio recording na lamang kung ito ay pinahihintulutan. Ginagawa ko ito sa lecture, research interview o pakikipanayam, training na dinadaluhan, at iba pa.

3. Listen and note the important points/ideas only. Madalas ay kailangan na mag-notetaking habang nakikinig sa meeting, lecture at iba pa. Pero mas mainam pa rin ang makinig muna at saka gumawa ng note sa mahahalagang puntong nakuha. Sa ganitong paraan ay napo-proseso mo rin sa iyong isipan ang aral at ideya. 

4. Listen and doodle or scribble. Matagal na iniugnay ang doodling o scribbling sa walang saysay na gawain habang nagkaklase. Subalit may mga pag-aaral na ang pagdo-doodle o scribble ay paraan ng noteking ng batang ma-visual or mas mataas ang visual literacy.

Maaari mo rin itong gawin habang nakikinig, may kombinasyon man ng pagsulat o wala. Ginagawa ko ito lalo na sa pagkuha ng direksyon sa lugar, computer keys to use at iba pa.