Maaaring marami sa mga turista sa South Korea ay nahalina na magpunta roon dahil sa mga Korean series na sikat sa Bansa pero once na nandoon ka na, mas maa-appreciate mo ang kanilang kultura at bakit yakang-yaka pa rin nila gumawa ng epic series gaya ng Jewel in the Palace. Isa pa mayroon sa mga tourist spots nila na Admission Free.

part I? Balik ka rito Places to Visit in South Korea

part III? forward ka rito Tourist Spots to Visit in South Korea

part IV

Namsangol Hanok Village

Masarap magpunta rito dahil unang-una ay FREE. Dito makikita ang mga traditional houses ng mga Koreans nung Joseon dynasty, plus lagi ring may mga activities.  Ang makalumang village na ito ay binubuo ng mga pamamahay nila Carpenter Yi Seungeop sa Samgak-dong, Gim Chunyeong sa Samcheong-dong, Min Family sa Gwanhun-dong, Yun Taekyeong sa Jegi-dong, Yun Family sa Ogin-dong at iba pang structure na kinuha mula sa iba’t ibang lugar ng South Korea.  Maliban sa mga nabanggit, mayroon din Traditional Craft Exhibition Hall. Katakot pero nakaka-amaze magpa-picture sa mga ermitanyong Koreans sa loob nito na malapit sa gumagawa ng Talisman.

Kung mahilig ka sa ancient house architecture ito na nga ang destination for you at hindi ka rin naman mababato dahil maraming tao na karaniwan ay bata na ang ku-cute.  By the way dito ko rin nakita anf traditional wooden back pack nila na mukhang mabigat pero magaan lang pasanin.

N Seoul Tower: Love Padlock/ Heart Chair

Hindi ko alam kung tama ako pero I think isa sa highlight ng series na My Girl starring Lee Da Hee at Lee Dong Wook ay sa N Seoul Tower kinuha. Gusto ko rin mapasok sana ito kung may pagkakataon pero okay lang din kung hindi.   Iisang area lang ito ng Teddy Bear Museum na siyempre mas pinili namin kasi mahilig kami sa trak-trakan (hohoho!). Ang entrance fee dito ay ₩9000 (around ₱336) sa Observatory deck o loob ng N Seoul Tower.

Pero  if dehins ka interested to view the ibaba on top, gaya ka na lang din sa amin na lumigid-ligid sa mga Heart Chair and Love Padlock area.   Ayon sa kanila (kung sino mang partikular na Korean), ang Heart chair o N-Sarang Gom ay nakakatulong sa dalawang shy-type na couple na magkalapit. Samantala ang Love Padlock naman ay token of eternal love daw at symbol of commitment and love.

Dahil wala naman akong kasama na lalandiin ko este puwede kong i-couple, puro patawang dedikasyong pagpa-padlock na lang ginawa ko. Hehehe. By the way, mas nalaman ko ang area na ito dahil sa rom-com Thai Film na Hello Stranger starring Chantavit Dhanasevi at Nuengthida Sophon.

National Palace Museum of Korea

Sa lahat ng napuntahan na sulit na sulit ang aming ibinayad dahil sa tindi nang pagod namin sa kakalakad, ang National Palace Museum of Korea na iyon.  Sakto ang istasyon na babaan mo para makapunta rito (forget ko na yung name) at  ₩3000  (around ₱113) lang aming ibinayad  para makapasok sa Gyeongbokgung Palace (marami pang ibang palace sa paligid). Kaloka ang lawak nito, na kung i-imagine ko nung panahon na may mga kawal dito hingal na hingal na bago makarating sa paanan ng Hari.

Hindi ako fan ng mga epic series hindi ko alam kung alin ang nai-shoot na rito. Pero baka  Jumong, Jewel in the palace, Queen Seondeok or The Legend.