Boracay: Place to Visit in the Philippines 2


boracay islandIsa lamang sa dream destinations ko noon o ikino-consider na places to visit in the Philippines  ang  Boracay. Kahit natagalan at kahit napagastos din naman ( nilibre ako ni  kaibigang Cherime),  masaya ako dahil  natupad!  Naalala ko tuloy iyong  agam-agam ng barkada naming si Maya na magastos ang mag-travel.  Sagot? Iba ang maihahatid  ng travel experience especially if you see Mother Nature‘s beauty.  Sa Bora, hindi lamang pagtanaw at pagtatampisaw sa tubig ang puwedeng gawin mayroon ding iba’t ibang water activities  na kahit  hindi ka marunong mag-swimming  ay mai-enjoy mo ang mag-beach.

Palawan vs Boracay

Natanong rin ako ni Maya kung ano ang pinagkaiba at mas maganda  sa Palawan at Boracay.   Mahirap  paghambingin dahil may kani-kaniya silang ganda at rekomendado ko na puntahan pareho. Subalit kung beach buddy ka talaga ay maiisip mo  talaga ang mag- Boracay. Pero huwag  mo rin nating kaligtaan na sa Palawan may Coron at El Nido ( hindi ko pa napuntahan) na magaganda rin naman.

Tama nga na naiiba ang buhangin sa Bora dahil pino at puti ito.  May puti rin akong nakitang buhanginan sa isang isla sa Honda Bay pero  itong  sikat na isla sa Aklan ay  mas pino pa sa detergent powder.  Hindi mo iaalintana na nakapaa ka lang na naglalakad sa pampang sa umaaga at gabi dahil parang mina-massage or exfoliate nito ang iyong talampakan.

 

Kung dito sa Maynila at  ibang karatig probinsya ay  milya –milya ang edge ng Bora.   Noong nakapag- snorkeling  kami ( kasama na sa package ng boat ride na Php 2300 , puwera sa  snorkel na Php 20) ay nakita kon ang ganda ng ilalim ng  dagat dito. Parang ang babait ng mga isda dahil napapakain mo sila pero hindi ka nila kinakain. Hohoho!  Bukod pa roon ang kariktan ng  corals  na kung magaling lang akong sumisid ay gusto kong i-touch-touch ala iPad.

Pero ang isa sa pinaka nagpa-wow sa akin ay Crystal Cove na akala ko ay so-so lang noong una.   Para kang napadpad sa kaharian ni Poseidon o hangout nina Dyesebel.  Ang pinakagusto kong part dito ay iyong  underground cave ( kung  tama ang term ko) kung saan parang may altar at pumapasok ang alon ng tubig.  Maalat din ang tubig doon, chuz! Maliit  lang iyong area pero para sa akin,  ay mas Amazing and Spectacular pa kay Spider-Man.  Sunod  doon sa underground cave ay  yung pagdaan namin sa gilid ng ng cove, saraappp magpa-pictorial at mag-shoot ng music video ng Ocean Deep o My Heart Will Go On.

Water activities, Expenses, and warnings

Bukod sa snorkeling ay marami pang mapagpipiliang ang mga sabik sa water activities gaya ng parasailing, diving, banana boat riding, helmet diving, at iba pa.  Siyempre maganda rin ang island hopping pero di ko alam kung katulad  nito iyong  sa  Honda Bay na literally na may iba’t ibang mapupuntahan na isla sa paligid. Pero sa pagkakaalala ko ay may tinatawag sila na Crocodile Island sa Bora at maipapakita sa boat ride ang resort nina Manny Pacquiao at Mikee Cojuangco.

Pagdating sa pagkuha ng boat ride para sa island hopping, yung nakuha namin ( Jeriel of Dream Spot – +63  9093582764) ay mahal pero tapat.  May iba kasi na nagbibigay ng mas mababa pero mahirap kasi baka gulatin ka sa singilin kung kailan nasa laot na kayo.  Basta dapat  daldalhin kayo sa pinakatanggapan para sa lahat ng water activities , papirmahin kayo ng form, bibigyan kayo ng resibo at ipapaliwanag sa inyo ng bangkero kung ano ang dapat ninyong i-expect.

Mabuti na yung alam nyo na kaagad kaysa magtaka kayo  na kung anu-anong babayaran. Sa Crystal Cove ay Php 200 ang entrance at sa helmet diving ay Php800. Iba rin ang rate para sa iba pang activities, kung afford naman ay i-grab na. By the way, don’t forget to  bring waterproof bag sa inyong camera.  Yung nabili ko ay Php50 sa kakatawad ko pero ganun din kasi yung nabili ko dati for my  snorkeling adventure sa Palawan.  Pero usually unang alok nila doon ay Php100, puwede namang tumawad pero ang pinakamahalaga ay quality ng bag. Baka nga makamura, di naman pala okay. Result? Sirang camera at sayang picture taking under the sea.

Between bathing suit  or bikini, mas gusto ko ang naka-rash guard kasi sporty  at takip kamot dahil mas protected ka.  At ang hindi mo dapat kalimutan sa pagpunta sa Bora ay pagbabawal ng pag-uwi ng buhangin. Better bumili na lang ng souvenir item na mayroon nito.

Places to Visit in the Philippines? Definitely, Boracay (read my Boracay story part 1) is part of the list.


About Hitokirihoshi

Slasher Star: passionate Online Publisher, grade 1 Digital Marketer, on-the-go Technopreneur, frugal Traveler, Cinephile since birth, natural Music lover, abstract Crafter, Digital Nomad, Millennial, and Multipotentialite or Yuccie? Common socialize with me!


Leave a comment

Your email address will not be published. Required fields are marked *

2 thoughts on “Boracay: Place to Visit in the Philippines