Alam mo ba na hirap ako na i-explain kung bakit hitokirihoshi ang name ko? Iyan ay kung sa malalim at hindi literal o kalokohan na usapan. Parang ano ba gustong malaman ng taong nagtatanong sa iyo ng kumusta ka na? Saan ka na ngayon? Ano ang mga pinagkakaabalahan mo at ano ang interes mo?

Sa bagay noong simula ay malabo rin naman. Basta gusto ko lang pero madalas kung ano pala talaga ang pinipili mong name ay pwedeng-pwedeng maging ikaw. Itong post na ito ang kauna-unahan kong post sa website na ito. (oo in-update ko lang ngayon).  So balik tanaw ako sa…

The Hitokirihoshi a few years ago

“Sabado (February 6, 2010) ay inabot ako ng halos mag-hapon para lamang sa paglilinis ng aking mesa at mga papel na naglabu-labo na sa pagkakatabi. Sabihin na natin na nagde-declutering ako may itinabi ako kasi kailangan, mayroon mapapakinabangan pa, mayroong mukhang puwedeng itago pero okay lang ding itapon na.

Hitokirihoshi…I am Slasher all along

Samantala, isa ring problema ang pagsama-sama ng mga magkakaparehong tema. Mahilig din kasi ako magtago ng articles, pictures, at mga print outs ng iba’t ibang bagay na nakakapukaw ng interes. Mayroong for business, pang- career, pang beauty and wellness, hobbies at kung anu-ano. Alam n’yo ba kung ano ang naka-solve dun. Ang isa kong lumang plastic folder o clearbook na puwede namang lagyan ng notes para ma-distinguish kung anu-ano ang nilalaman nito.

Sabi ko, puwede namang pa lang i-folder na lang ang natatambak ng papel sa aking mesa na minsan ay kinaikailangan kong gamitin. Napagtanto ko rin na, marami nga pala akong gustong gawin.  Pero nahihirapan ako na gawin o tuparin dahil maliban sa matrabaho ang mga ‘yon, ay magkakahiwalay din ang mga notes ko.

Ang punto lang ay kung na-organize ko na siguro ang mga notes ko ay baka marami na akong natrabaho o natapos at walang nasasayang na panahon o nakakaligtaang gawin.

Hindi nga ba’t, nakakapanghinayang na bumibili  (tipid tip 101)ka ng bagay na mahal na iyon pala ay mayroon ka na kasi hindi mo lang napapansin. Sayang sa oras, pagod at pera.

May kinalaman din ito sa pagbabahagi ng aking sarili, online. Would you believe that I maintain 2 Friendster accounts, one Multiply, one Facebook, one hi-5, and two blogs sa WordPress? Hind ko pa isasama d’yan ang apat na email na mayroon ako at mga abandonado ko ng account sa myspace, tagged, at iba pa.

Mayroon akong mga personal na kadahilanan ba’t ko ginagawa ang mga ‘yon at mahilig talaga akong i-segment ang mga bagay-bagay sa akin. Hindi puwedeng nasa iisang taguan at lalagyan. Sa totoo lang ay nakakalito at kailangang mag-effort, pero ganoon talaga hindi puwedeng makuha ang lahat sa akin. Wahahaha!

telecommuting (career)

Pero gaya ng bawat aspeto ng ating buhay, magkakasalungat man ito ay iisa rin ang pinakadulo, ang gawing maligaya o makulay ang buhay. Hayaan n’yong buksan ko ang bawat aspetong ‘yun sa website na ito. Sa paraang makapagbibigay din ng  entertainment and awareness.

Nais kong pasalamatan si Salbehe para sa pagbuo ng site na ito, na matagal ko ng pinag-iisipan pero madali niyang nadali.

Mabuhay!

Hitokirihoshi”

Hitokirihoshi after 8 years

• abala at ma laman na rin ako sa Youtube Channel ko (subscribe ka dali! )
• Tuloy ang marami kong niche hahaha- Multipotentiality
• Di na ako updated sa Friendster, sarado na ang Multiply, at di ko alam kung may Tagged, Stumbled Upon, at Myspace pa. Ang sure ako wala na Google Plus. Pero alam ko na ang Fan Page, Twitter Analytics, Tumbler, LinkedIn at iba pa
• Tradigital pa rin ako
• Medyo naiba na mindset ko sa pagba-blog at paggamit ng social media 
• Inihatid ako ng pagbaba-blog para mas malaman ang tungkol sa business, personal finance, blogging, ecommerce, arts, culture, at pwede kong maging misyon.
• Nagdadala ng saya at saysay ang Hoshilandia sa akin. At nagkakataon pa sa mga  panahon na akala ko down ako.
• Nakakapagbigay pala ako ng tulong, inspirasyon, at kasiyahan.

Sa lahat ng bumibisita, interesado, sumusporta, at naging kabahagi ng blog life ko maraming salamat! Ngayon mas kilala ko na sarili ko at mas kaya ko na s’ya explain. hehehe.