Anong mayroon sa Cinemalaya?

CCP  Cultural Center of the Philippines  (1)Sa isip ko lang gustong sumubok manood ng mga entries sa Cinemalaya, pero dahil sa sulsol este paanyaya ni co-blogger Shea ay ginawan ko na nga ng aksyon. Bakit may pagdadalawang-isip? Una kasi sa Cultural Center of the Philippines (CCP) ang venue, define effort ang drama ko. Pero kapag naisip mong may mapapala kang maganda, itabi muna pati si Harry Potter.

Marami akong first time experiences sa Cinemalaya, una d’yan ang umorder ng ticket in advance sa ticketworld. Ito na rin siguro ang maipapayo ko sa iba para mas convenient at sure slot na panonood. Original kung balak na schedule nang panonood ng Babae sa Septic Tank ay 6:15 nitong July 23. Mabuti lang kamo at nagkaroon ng additional screening ng same date pero bandang 12:45 na.

Ang Babae sa Septic Tank talaga ang isa sa nagtutulak sa akin na patulan ang paanyaya ni Shea (pero hindi kami nakapanood ng pareho nun pero kasama ko naman si Syngkit).Sulit as in sulit na sulit ang panonood nun, humagalpak ako sa kakatawa at lahat ng audience sa Tanghalang Nicanor Abelardo. Suave ang acting ni Eugene Domingo o kahit isama pa natin sila Kean Cipriano, JM de Guzman, Cai Cortez at yong mayabang na award winning independent film director kuno (yung eksena nya ang isa sa pinakatawa ako ng tawa…asaran lang).  Okay din ang special participation nila Cherry Pie Picache at Mercedes Cabral na nakakatawa pero nakaka-impress din. Chris Martinez (scriptwriter), ang galing ng mga dialogues mo, “Walang-wala” lang talaga sa pagka-wow! Siempre congrats din kay Dir. Marlon Rivera at sa mga cast and crew ng pelikulang ito deserving kayong mamakyaw ng award sa Cinemalaya.

Balik tayo sa pamimili ng ticket at slot, ang dalawang pelikula sana na panonorin ko pa ay ang Ligo na U Lapit Na Me na panonoorin sana namin ng sabay ni Shea at ang serye ng short films (kasama ang Oliver’s Room at Un Diutay Mundo) kaso dahil wala ng slot, pinili ko na ang Huling Halik.

CCP  Cultural Center of the Philippines  (5)Ang Huling Halik naman ang first gay film na napanood ko. Hindi ko alam na ganito ito kasi ang naalala ko lang ay tampok dito ang Panagbenga Festival sa Baguio. Marami akong gustong sabihin about tungkol sa indie movie na ito pero ibabalato ko na kay Shea kasi nagustuhan n’ya.

Mayorya ng mga nanood ay mga kabataang GAYA namin. Ibig sabihin lang ay wala pa sa critical level ang Pagtangkilik sa Pelikuklang Pilipino. Hindi rin naman kasi masasabing dahil sa mas mura ang bayad (Php 150) at ang formula sa independent films ay iba sa mainstream na surefire pang-box office. Tingin ko pare-pareho lang kami na um-effort for “worth it” films.

Mabuhay sa mga bumubuo ng Cinemalaya!


22 thoughts on “Anong mayroon sa Cinemalaya?”

  1. Pingback: Movie Review: The Amazing Praybeyt Benjamin

  2. Pingback: Ryza Mae Dizon is Vic Sotto's My Big Bossing

  3. Pingback: Supporting Filipino Independent Films - aspectos de hitokiriHOSHI

  4. Pingback: My Top 12 Pop Awesome Women | aspectos de hitokiriHOSHI

  5. Pingback: Movie Review: Dukit | aspectos de hitokiriHOSHI

  6. Pingback: Hoshilandia in 2011 | aspectos de hitokiriHOSHI

  7. parang maganda ung kay Eugene Domingo… sana makapanood din ako. Madalas sa mga ganyang movie nakakadiscover ng magagaling na artista… gaya ni papa coco ko. ^^

    1. tama ka dyan Joyo, iba ang atake sa independent films kumpara sa mga mainstream na cliche na ang mga formula. hiling ko na lang sana ay tantanan na ang mga indie films na tungkol lang sa sex at gays. parang gasgas na kasi at yung iba parang nagpapanggap na lang na art yun.

      sayang kasi yung artistic freedom nila. anyway, mabuhay sa mga kagaya ni Coco. nanalo siya before para sa pelikulang Noy

    1. ganun ba kalaki? parang ang pinagkaiba lang niya ay mauupuan sa gilid. sana ay maraming kagaya ng CCP na sumusuporta sa mga independent films.

      oo super ganda talaga ng Babae sa Septic Tank!

  8. Uge at its best talaga! 😉

    Mas bagay sana kung ang titulo mo dito ay “Hoshing nalaglag sa Septic Tank.” LOL! (pakialamera lang) 😉

    More power!

    1. aray ko wag naman, tama na ang mga pupu characters ko sa pupu series ko. hahahaha

      pag-iisipan ko talaga yun kahit isang milyon ang sabihin sa akin na talent fee. kahit kasama ko pa sa bae yong joon or harry potter sa septic tank. ayaw! hehehe

  9. Sayang hindi kami nakasama. Nai-intriga din ako sa Septic Tank na yan kung san Best Actress lang naman ang Walang-Walang si Uge! 😉 Congrats sa Cinemalaya 2011 entries at winners.

    Mabuhay Hoshi! 😉

    1. salamat sa pagdalaw Noona Jube!

      Oo magaling talaga si Uge dito, hmmm. hindi ko man napanood yung iba pa pero dito pa lang sulit na talaga ang acting.

      sana mai-commercial siya o kunin ng mga mainstream produ..

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.