Gaya nang nakaraang taon ay nauna na kaming mag-Visita Iglesia ni Syngkit. Ako na ang nag-suggest na mag-Rizal kami dahil susundan na lang namin ang Visita Iglesia experience ng mga CEO ng Verjube Photographics. Konting research na lang kaya go na sa lakbay-pananampalataya.
(Invitation! please SUBSCRIBE to my YOUTUBE Channel for more travel tips and stories. Salamat and Mabuhay 🙂
Sta. Ursula Parish, Binangonan
Dahil mula kami sa Manila at Kyusi (Quezon City) ay pinili ko na ang pinakamalayo. Dapat Pililia kaso wala raw sakto dun kaya dun ako sa gitna. Mula MRT 2 (Santolan) ay may sakayan ng Binangonan (Php 36 or 28 ata yung pamasahe sa jeep). Ang katotohanan n’yan hindi ko alam saan sa Binangonan ang Sta. Ursula Parish basta makarating lang kami roon saka na kami maghahanap. Ang mabuting balita ay pagkababa ng pinaka-terminal ng Binangonan ay walking distance na lang ang simbahan.
Warning: Hanggat maaari ay huwag kayong magtatanong sa tricycle driver. Iyong driver na tinanungan namin sabi malayo pa, mabuti na lang natanaw ko yung church. Pinuntuhan namin ‘yon dahil nagandahan ako tapos ‘yon na pala talaga ang church.
Mabuti at bukas ang simbahan kahit Sabado at halos tanghali na kami nakarating. Sakto lang din ang liwanag sa loob para sa digicam ko at pabor ‘yong wala pang gaanong tao. Prenteng-prente kaming nakapagdasal at mag-picture.
Our Lady of the Holy Rosary Parish, Cardona Rizal
Mula Ursula sumakay kami ng tricycle (10 pesos) papuntang highway para dun naman kami sumakay ng jeep (9 pesos) papuntang Our Lady of the Holy Rosary Parish. Ito ang pinakamadaling matunton na church dahil madadaanan mismo ito at katapat ng Municipal hall ng Cardona.
Sa aming paglalakbay bago rito ay aking napagtanto na kung may manlalamang ay mayroon din namang magigiliw na tao lalo na iyong mga nakakatanda. Iyon driver ng sinakyan naming tricycle ay sinisingil kami ng 80 pesos special papuntang Cardona. Hindi kami pumapayag, ang mahal ano! Hanggang sa binaba n’ya ng 70 at 50. Papayag na sana ako kung ibinaba n’ya ng 40. Biruin mo 80 pesos versus 38 pesos, que lapit-lapit. Mabuti ‘yong mama (parang may lahing Espanyol) na nakasakay namin, para kaming nasa bahay n’ya na ina-aassist kami. Tinuturo niya kung magkano at kung malapit na.
St. Jerome Parish, Morong Rizal
Madali na rin ang papuntang St. Jerome Parish dahil sasakay ka rin lang ng jeep pa- Tanay (kung hindi ako nagkakamali ay nasa 8.50 -12 pesos) ‘yong binayaran namin. Pagkababa ay lalakad lang ng papasok konti para marating ang grandyosang simbahan na ito.
Kung nainip ka sa byahe dito ay masusulit ang tipak ng pawis sa iyong kili-kili dahil mapapahanga ka sa antigong ganda ng simbahan. Nakahanda na rin ang simbahan sa mga gaya namin na nagbi-Visita Iglesia.
St. Joseph Parish, Baras Rizal
Sakay lang ulit ng jeep byaheng Baras (8.50 -12 pesos) at konting lakad din papasok ang gagawin para makapasok sa isa pang kabig-bighaning church na ito. Pagpasok pa lang sa gate ay alam mong naghahanda na rin ang simbahan para sa mga nagbi-Visita. Puwede na rin kasi sa labas mag-station of the cross. Simple ang ganda ng antigong façade nito pero panalo gayon din ng altar at buong interior nito.
San Idelfonso Parish, Tanay Rizal
Sakay lang ulit ng jeep pa-Tanay at madadaanan na itong simbahan na ito ng Tanay mismo. Luma na rin ang simbahan. Hindi nga lang kami maka-ikot dahil may ikinakasal sa altar, baka maimbitahan pa kami sa reception.
St. Mary Magdalene Parish, Pililia Rizal
Sadyain naman ang Pililia at walang bumabyahe na jeep. Wala kaming choice kundi umarkila ng tricycle papunta mismo sa simbahan. Sinuwerte naman kami kay Tatay tricycle driver na naningil ng 40 pesos sa aming viaje. Napaka-hospitable ni tatang parang yung Mamang nakasabay namin sa jeep sa Carmona. Tourist na tourist guide ang dating. Sana kagaya na lang n’ya lahat ng driver sa Rizal.
Kung ready na ang simbahan sa Morong at Baras sa St. Mary Magdalene Parish, hindi lang sila handang-handa, nag-uumpisa na. May area sila sa tabi ng simbahan para sa mga nag-i-station of the cross. Life size ang imahe ang makikita rito at mayroon na rin silang pabasa (kung hindi ako nagkakamali). Magiliw din ang nag-a-assist na nag-i-istima sa amin at sa mga kasabayan nagbi-Visita Iglesia.
Our Lady of Peace and Voyage, Antipolo City
Para makapunta ng Antipolo kailangan naming sumakay ulit ng tricycle sa halagang 12 pesos para makasakay ng jeep na ang bayad naman ay 28 pesos. Walang sakto na papunta sa church pero yung layo naman sa babaan ay puwede ng lakarin. Kung first time ko sa unang anim, sa Antipolo church ay ilang beses na akong nagpabalik-balik. Pero ‘wag ka gulat na gulat ako sa dami ng establishments sa paligid.
Pabalik ng Maynila ay madali na rito, may FX na biyaheng Megamall or Cubao (baka meron pang iba pero ito lang inalam ko).
Para sa pics —watch this Video
Kahit inulan, pinawisan, natakot sa mga manloloko, ako ay nagpapasalamat at naging matagumpay ang itong aming Visita Iglesia. Thank God!
[hana-code-insert name=’Rizal Travel Book’ /]
Pingback: Around Taal Church, Basilica of St. Martin of Tours
Pingback: Hoshi’s Next Top Dream Travel Destinations | aspectos de hitokiriHOSHI
Pingback: Visita Iglesia: Faith in motion | aspectos de hitokiriHOSHI
Pingback: Rediscovering Philippine Architecture | aspectos de hitokiriHOSHI
Pingback: Part 2: Places to Visit in Laoag, Vigan and Pagudpud | aspectos de hitokiriHOSHI
Hi,
It’s my first time to drop by at your site, nakita ko comment mo sa site ni Sir Fitz. 🙂
Anyway, nacurious kasi ako dito sa Visita Iglesia post mo. Kasi, 29 yrs na ko nakatira sa Rizal pero ilang simbahan pa lang napupuntahan ko (Antipolo of course, lingguhan yan, then Baras (dami paniki, astig!) and Morong (ganda ng view ng Talim Island).
Salamat dito, at least next time alam ko na rin ang pupuntahan pag kasama ko na family ko na magVisita Iglesia dito sa Rizal. Dati kasi, sumasama ako sa Bulacan sa family ng wife ko. Thanks again.
– Rogie
Salamat sa iyong pagbisita Rogie at welcome dito sa Hoshilandia!
Your welcome. ikinagagalak kong natuwa at may nalaman ka sa post na ito. At in return, binigyan mo ako ng magandang gagawin once na mapadpad ulit ako sa mga simbahan na yan. Ang umakyat sa tuktok.
Nwa’y next time makita ko naman ang Visita Iglesia ninyong pamilya, abisuhan mo ako ha!
Mabuhay!
Sure Hoshi. Magaganda rin ang mga simbahan sa Bulacan. Hopefully sa susunod, makakuha rin ako ng magagandang pictures and tips para sa Visita Iglesia namin next time. 🙂
– Rogie
ay maganda yan, para makita ko rin at ng iba. mapuntahin din kung baga.
mabuhay!
Pingback: Our Lady of Lourdes Grotto sa San Jose del Monte, Bulacan | aspectos de hitokiriHOSHI
thanks for sharing this route. we went there last night for our traditional maundy thursday visita iglesia, but opted for st. rose of lima church in teresa, rizal as our last stop since it was almost midnight, and cars weren’t allowed to enter roads leading to the antipolo church. binangonan and baras churches are beautiful. 🙂
Hi MC and welcome in Hoshilandia.com!
Your welcome! It is my pleasure to help you in your Visita Iglesia.
Galing ano?! seeing those churches are very inspiring.
advance Happy Easter!
Next time visit the Sta. Rosa de Lima church at Teresa, Rizal and for sure you will love its structures
Hi Rhome and welcome sa Hoshilandia!
Wow salamat sa iyong tip, hayaan mo susubukan ko ring bisitahin yan.
mabuhay!
maganda din yun simbahan na madalas gamitin sa my beloved
san ba yon?
hehe
Hindi ako nanonood nun sorry, hahaha!
Iyon ay dahil hindi ko naabutan (baka naman ikatampo mo pa yan. hohoho)
hello, hoshi,
wow! ang dami nyong napuntahan! ang sipag na, ang agap pa… ikaw na! 🙂
hahaha, salamat doon po sa amin. ganyan talaga dito sa atin, rich in faith and in culture.
mabuhay!
Visita Iglesia. It’s more fun in the Philippines lang ang peg! 😉
Looking forward to a great visita iglesia this year, so far ndi ko pa pulido ang itinerary hahaha it will be our 3rd year!
Congrats sa isang magarbong Visita, nawa’y wag kang madadala sa mga tricycle drivers, constant na sila. LOL! 😉 Til next year! 😉
Oo medyo na-trauma ako sa mg tricycle driver kahit sa amin parang ayoko na rin. hahaha! Pero hindi ko naman nilalahat, gaya rin ng sinabi ko sa post may kagaya ni Manong na mabait at magiliw.
Salamat sa iyong pagbati isa itong napakasayang experience at nakakapagbigay ng time para makapag-meditate sa iyong pananaw sa buhay, pananampalataya at turismo sa bansa.
aabangan ko naman ang inyong visita iglesia this year, God bless and mabuhay!