While reading “How I Made My First Million Through Direct Selling” by Chinkee Tan and an issue of Entrepreneur Magazine alternately, I noticed that the quote “If you think education is expensive, try ignorance” is mentioned in both materials. The said meaningful line was incidentally related to my dream, which also reminds me of the value of education.

(Invitation! Please SUBSCRIBE to my YOUTUBE Channel for more motivational tips and stories. Salamat and Mabuhay  🙂

Allow me to share my dream :

Nagising daw ako 6am nang umaga at ang pasok ko ay 7am.  Kahit malapit naman iyong school ay tinamad na ako na maligo at magbihis para pumasok. Naisip ko na mag-half day na lamang. Pero dahil na-realize ko na hindi naman ganun ang kalakaran sa school gaya ng ginagawa ko sa pag-oopisina ay nagpasya ako na huwag nang pumasok.

Na-realize ko na nag-enroll ako sa grade 6 kahit mayroon na akong degree dahil sa free ito. At wala rin kwenta ang pag-enroll at pagiging free nito. Hindi ko rin naman pinapasukan. Subalit, may instance sa panaginip ko na sinabi ko sa isang guy na ‘siguro puwede akong valedictorian. Kasi nag-take ako ng education na sobrang basic.’ Pero paano ko nga ba ma-attain yun, kung unang-una ay hindi naman ako pumapasok sa klase?

This dream suggests that whether you are already an expert in something or pursuing a new field, you still have to exert effort to learn and excel.  You can’t attain your dream without educating yourself.

Education is a privilege, right, or opportunity?

Kung babalikan ang kasaysayan, hindi lahat ay pinagkalooban ng karapatang makapag-aral lalo na sa mga kababaihan at mahihirap. Magkagayon pa man, hindi naging hadlang ito para magpakadalubhasa ang ilan sa kanilang larangan. Numero uno na rito ang ating pambansang bayani na si Jose Rizal. Naging manunulat, pintor, doktor at iba pa si Rizal dahil sa kanyang pagpapahalaga sa pag-aaral. Ika nga niya sa Noli Me Tangere (Pilosopo Tasyo) ay…

“Habang iyang edukasyo’y nakaluklok sa dambana,
kabataa’y yumayabong nang mabilis at sagana,
kamalia’y sinusugpo sa tibay ng kanyang nasa,
nararating pati langit ng magiting niyang diwa;
sa siklab ng edukasyon kasamaa’y humihina,
alam niyang paamuin iyang bansang walang awa,
ang mabangis ay nagiging bayani ng kanyang lupa.”

Sa modernong panahon magkakaiba ang pananaw ng marami pagdating sa edukasyon. Puwedeng isa itong karapatan na hindi dapat ipinagkakait at oportunidad para sa magandang kinabukasan. Subalit, tulad ng palaging laman ng balita, noon pa ay maraming Pinoy ang napagkakaitan ng karapatan at pagkakataong makapag-aral.  

Mayroon pa nga na masuwerte na kung makatuntong sa high school. Iyon nga lang, kung sino naman ang pinagpalang may pampaaral ay hindi naman nagsusumikap. Napagtatanto na lamang ng mga ito ang kanilang pagkakamali sa bandang huli. Marami akong kakilala na tila nabubuhay na lamang sa ‘what if’ dahil sa pinalagpas na pagkakataon. Kahit na ang awitin ni Nonoy Zuniga na kinanta rin ni Fernando Poe Jr , Doon lang, ay  nagpabatid ng halaga ng edukasyon.

“Kung natapos ko ang aking pag-aaral
Disin sana’y mayron na akong dangal
Na ihaharap sa’yo at ipagyayabang
Sa panaginip lang ako may pagdiriwang

Yaman at katanyagan sa akin ay wala
Kakisigan ko ay bunga ng isang sumpa
Ang aking ina ang tangi kong tagahanga
Sa panaginip lang ako may nagagawa”

Studying is not the key to getting a job.

Naalala ko nung nagtanong ang T.H.E. teacher naming si Ma’am Josephine Tayag kung Bakit gusto namin mag-aral? Siyempre kanya-kanya kami ng sagot. Ang sabi niya ay mag-aral ka para sa sarili mo at hindi para sa ibang tao. Parang selfish ano? Pero sang-ayon ako sa kanya.

Ang edukasyon ay para maging mainam at mahusay sa napiling larangan. Makakatulong syempre ito sa sarili, pamilya, minamahal at lipunan. Masasanay ka rin nitong maging mainam sa pagnenegosyo, pakikipagkalakalan at iba pa. Oo, bagaman mainam ang pagkakaroon ng magagandang asal, iba rin ang edukado at may kasanayan. Nirerespeto ko ang kanilang opinyon, pero hindi ako bilib sa nag-aaral para lang makahanap ng trabahong may mataas na sahod.

Sa ibang banda, mainam din ang maging teacher or trainor kaysa pagtulong lang. Hindi kasi lahat ng klase ng pagtulong ay palaging nakakabuti. Minsan ikaw na tumulong ang naagribyado o nangongonsinti sa maling pag-uugali ng iba. Sabi nga…

“Give a man a fish and you feed him for a day. Teach a man to fish and you feed him for a lifetime.”

Studying helps you to achieve your goals

Kung susuriin, maraming nawawalan ng trabaho dahil sa kakulangan ng tamang impormasyon o kaalaman. Hindi na lamang ito usapang may diplomang maipapakita o nagtapos sa isang respetadong eskwelahan. Mas limitado ang kaalaman ng taong hindi rin nagsusumikap na matututo sa loob at labas man ng eskwelahan.

Noong nagtapos ako sa pag-aaral hinarap ko ang matinding kumpetisyon sa trabaho. Iilan lang ang kumpanya na puwedeng pasukan sa field o industry ko. Subalit, patuloy akong nag-job hunt at nag-self-study kung para makahanap ng oportunidad.  Nagkaroon ako ng interes na dumalo sa iba’t ibang seminar and workshop. Iyong tipong libre o presyong Php 500  to Php 1,500.

Noong nag-resign ako sa isa kong corporate job, naglakas-loob ako na sumubok na mag-freelance. Kinaya ko dahil nakakakita ako ng maraming oportunidad dahil pinag-aaralan ko yung iba’t ibang skills. Iyong skills na gusto ko ring gawin hindi lang para kumita. Nakatulong sa akin talaga ang pagiging curious, observant, palabasa, pagba-blog, at pagsa-sideline. Dahil sa mga ito, nakawala ako sa mentalidad na gaya ng “magtitiis na maghintay sa tawag ng isang sikat na kumpanya.”

READ: Blogging and Social Media training 

 “If people know more than they would be less susceptible to scams or buying products. They don’t and won’t really need. Instead, they would build up their wealth and protect it in all possible ways. That means allocating some money for seminars, books, resources, instead of throwing money away that become worthless overtime,” Rienzie Biolena shared this in his article entitled “Money Down the Drain,” published in Entrepreneur Magazine, April 2015.

Build a Business according to your gut and ability only?

Sabi nga ni Chinkee Tan, “Never invest in something you do not know, no matter how profitable it maybe.” Marami ang pumapasok sa mga investment dahil lang sa promise na magandang kita. At hindi rin naman lahat nang naluluging negosyo o investment ay dahil sa panloloko. Pwedeng ito ay dahil sa mahinang sistema, maling diskarte at kakulangan sa kaalaman.

READ: E-Commerce Training 

Oo, may mga pinagpala na maging matagumpay sa pagnenegosyo kahit hindi naman nakapagtapos sa pag-aaral. Pero hindi mapapasubalian na nakatulong ang pagkakaroon ng education sa karamihan. Iba rin ang may alam sa market research, feasibility study, innovation at pag-level up ng kanilang technology para sa pagbi-busines.

May mga nakausap ako na ganito ang ginawa ng mga anak na sumalo ng family business. Nandoon na iyong business pero mas yumabong at lumawak dahil sa kanilang business education.

Kaya naman, nawa’y mas marami ang makapag-aral at magsikap sa pag-aaral.
Mag-aral para sa iyong ikabubuti at sa katuparan ng iyong mga pangarap.