Hindi matatawag na Summer Capital of the Philippines ang Baguio (a.k.a. City of Pines) kung malamig lamang dito. Pero sa panahong mainit ay maglakad-lakad ka lang sa Burnham Park ay okay na. So kung nagbabalak kang mag-Baguip trip, narito ang ilang must-visit places in and around Baguio na hindi mo dapat palagpasin na puntahan.
- Strawberry farm (La Trinidad)
Sadyain ang lugar na ito pero magandang mamalengke dito dahil bukod sa sariwa ang presa (strawberry) ay napakamura ng mga gulay. Noong unang nakabili ako dito ay sa Php 100 ay may 3 kilong gulay na assorted na mabibili. Matutuwa talaga ang mahihilig magluto ng pinakbet at chopsuey o gumawa ng salad. Kung sawing-sawi ka sa mahal ng brocolli, cauliflower at lettuce sa syudad, dito panalong-panalo ka.
Siyempre ang pinaka-point ng pagbili dito ay strawberry. Between sa pagbili ay mas mahal daw ang strawberry picking kaysa sa mga naka-display ng mga napitas nang prutas. Nagtataka ka ba’t ang mahal gayong ikaw na nga kukuha? Well, may nabasa akong magandang rason… Dahil hindi ka naman automatic na marunong dito at may chance na mali at makasira ka ng tienes dun.
Anyway, dahil sa Forevermore ng LizQuen (Liza Soberano at Enrique Gil) noon ay deadma sa mahal ang mga turista doon. Iba ang dami ng tao at itsura ng ng strawberry farm na nakita ko more than 5 years ago.
2. Bell Church
Hindi ko alam kung bakit halinang-halina ako sa lugar na ito. Siguro dahil sa interesante at bibihira ako makapasok ng Chinese temple (not until makapag-Bindondo photowalk). Hindi ito madaling makita dahil nasa looban pero ang landmark ay ang marque ng “Welcome to La Trinidad.”
3. Night market /ukay-ukay in Baguio City
Madalas traffic na sa Baguio city lalo ‘pag summer o Panagbenga (Flower Festival). Pero ganun talaga, mas dinisenyo ito para sa tao kaysa sasakyan at sanga-sanga ang daan. Ang masaya talaga ay maglakad lalo na sa gabi o kahit pa sa maghapon. Unang -una ay hindi naman mainit at maraming mapupuntahan
- Baguio Museum,
- Botanical Garden,
- Baguio Cathedral,
- Burnham Park, at iba pa.
Isa pa’y napakaraming interesanteng establishments maliban sa SM Baguio na walang aircon. Matutuwa ang mga foodies at fashionistas sa Night Market. Hinahanap ko pa yung resto na nag-o-offer ng organic food. Pagbalik ko doon ay isa iyon sa pupuntahan ko kasama na ang BenCab Museum.
4. Camp John Hay
Lakas makaibang bansa ng Camp John Hay, lalo na ng masubukan namin ang style ng Starbucks doon. Para kang nasa isang country style setting. Sa ibang banda dito ay masarap mag-pictorial, gumawa ng music video, exercise, magnilay-nilay. Ang gusto kong bahagi dito ay kissing lane (picnic areas), the lost cemetery of negativism, at yung amphitheater malapit sa Bell House. Siempre, maigi rin na makapasok sa pamosong Bell House. Hinango ito sa pangalan ni General J. Franklin Bell at itinayo noong 1903.
Magkakalapit lang cemetery at old house, baka isipin mo na bakit may nakaisip ng kalokohan na lugar na iyan sa isang heritage house na tirahan noon ng mga commanding general sa Pilipinas? Pero in fairness sa cemetery may inilalaban na mensahe. Ilibing ang nega! By the way, ang amphitheater ay isa shooting location ng Princess Sarah ni Camille Prats kung di ako nagkakamali. Check mo yung may story telling session sila.
5. Philippine Military Academy (PMA)
Para sa akin mainam na makita natin ang mga kadete sa PMA para maintindihan natin sila nang may lalim. Kung paano sila makisalamuha, at yung tindi ng training na kanilang pinagdadaanan. Bago ako makarating dito, di ko naiisip kung paano sila sa personal. Sa impression ko ay nakaka-intimidate sila at istrikto. Pero sa mga nakausap ko na opisyal ay mababait naman at binigyan pa ako ng souvenirs.
Anu-ano ba ang makikita sa PMA? Ang mga lumang klase ng sasakyang pandigma sa lupa at himpapawid, PMA museum, at souvenir shop. Nung una akong nakarating dito ay nakabili pa ako ng 2 camouflage t-shirts na lagi kong sinusuot pero may nakapagsabi sa akin na baka bawal na raw at delikado para sa akin, so…
I recommend na pasukin mo din ang museum. Hindi naman boring kung curious ka talaga. Para sa isang traveler, nandoon ka sa isang lugar ay matutuhan mo na ang kasaysayan o kultura nito.
6. Our Lady of Lourdes Grotto–
Ayon sa tsika ay 252 steps ang kailangan mong iakyat para marating ang altar ng Our Lady of Lourdes. Nakakapagod? Kung challenging sa mga walang tiyaga pero puno ng pananampalataya ay may iba namang daan. Sa mga nagutom at napagod, marami ring tindahan sa paligid, dito ako nakatikim ng strawberry taho.
6 Mines View/ Good Shepherd convent.
Mas gusto kong pumunta sa museum like sa Baguio and Benguet pero di rin naman dapat palagpasin ang place na ito. Maganda ang overlooking view, may pagka-solemn ang lugar, at makakaambag ka pa sa mga natutulungan ng mga madre dito. Kapag bumili ka ng kanilang mga produkto ay may porsyento nun ay mapupunta sa kanilang charity institutions. Masarap ang paninda sa Good Shepherd convent lalo na siempre ang ube jam.
7. Wright Park
Para mas cool, huwag ding palagpasin ang Wright Park. Meron ditong horseback riding, Tam-Awan Village, The Mansion, Easter Weaving Room, Aguinaldo Museum at iba pa.
