Monasterio de Sta. Clara sa Katipunan QC 28


Sa aking palagay ay dalawang beses pa lang ako nakadalaw (baka kasi binitbit na ako ng Nanay ko nung baby pa ako) sa Monasterio de Santa Clara (kumbento ng mga madre ng Order of Saint Clare of Assisi) sa c-5 o Katipunan Ave, Quezon City.

Monasterio de Santa Clara

Iyong una na binabanggit ko ay nung nag-debut ako. Sabi ni Manang Juling kailangan daw mag-alay ng itlog para maging maganda ang panahon. Nung araw ng b-day celebration nangungulimlim ang kalangitan pero nung pinagtanim kami ng itlog may umusbong na halamang itlog este hindi na natuloy ang pagbuhos ng ulan. Nagkataon o talagang himala, quever na nagpapasalamat na lang ako na hindi binagyo ang birthday kong iyon.sta. clara

Itong pangalawa ay nung birthday ko ulit as in sa mismong araw namin ni Piolo. Wala naisip ko lang naman kasi wala akong pupuntahan noon at wala akong handa, wawa naman ako ‘di ba? huhuhu!

Okay naman kasi kasama ko si Manang Juling at ang pamangkin ko sa pagbisita doon. Aliw ang pamangkin ko (ako rin, reluctant lang ako aminin) sa fountain na unang bubungad sa nagpupunta roon. May apat kasing palapag na plato (ewan kung anong magandang term doon) na papaliit. Challenge na maka-shoot sa pinakatuktok.

Sunod naman ay ang dambana sa façade ng simbahan. Doon ay may sabitan ng sampaguita at nag-iiwan ng mga novena. May nabasa ako na ‘wag daw doon mag-iiwan ng itlog o ng mga alay kundi sa kumbento. Wala naman kaming dalang kahit ano. Ang nasa isip ko lang noon ay manghingi ng lapis kasi suwerte daw ‘yon sa mga exams.

Masasabing hindi ganun ka-bongga ang loob ng simbahan ng Sta. Clara pero nung pumasok kami doon ay okay ang atmosphere. Alam mong pare-pareho kayong nanalangin at may hinihiling. Hindi naman pasaway ‘yong mga magdyo-dyowa.altar sta clara

Sunod na pinuntahan namin ay ‘yong place na kung saan puwedeng magsulat ng prayer request. Natuwa ako sa pamangkin ko kasi lahat ng prayers niya ay tungkol sa mga magulang niyang OFWs. Hindi na ako nag-attempt na manguha ng lapis at nahiya naman ako manghingi doon sa nagbabantay na guard. Tas hayun, masaya lang maghulog ng request letter doon sa naiiba nilang mail box. Buti may ibang lalagyan ‘yong mga inialay na itlog at mga flowers. Good luck naman ‘di ba kung dina-drop box din ang mga itlog.

Para sa akin, magandang pasyalan ang mga simbahan. Bukod sa paniniwala ay magandang pang-tourism at photography ang mga ito. Sinasalamin pa ang architecture at culture nating mga Pilipino.


About Hitokirihoshi

Slasher Star: passionate Online Publisher, grade 1 Digital Marketer, on-the-go Technopreneur, frugal Traveler, Cinephile since birth, natural Music lover, abstract Crafter, Digital Nomad, Millennial, and Multipotentialite or Yuccie? Common socialize with me!


Leave a comment

Your email address will not be published. Required fields are marked *

28 thoughts on “Monasterio de Sta. Clara sa Katipunan QC