5 Tricks, Tips to Finance your Business?


Mabuhay to you if you have clear business idea at gusto mo itong i-purse.   Pero kung ang pumipigil sa iyo ay pera parang pang capital ay heto ang aking tips how to finance your business? Ang mga tips at tricks ko ay base  sa aking sariling opinyon, karanasan, at nabasa. Mas bagay mga ito nagbabalak pa lang at sa small time businessman pa lang.

  1. Identify your dream business at pag-aralan mo ito

Mahalaga na malaman mo kung anong trip o lucrative business for you at  kailangan mong puhunan para dito.  May advantage ang walang solid idea dahil sa flexibility at adaptability sa gastos, pero hindi ibig sabihin nito ay sky’s the limit and random lang ang pagpili ng negosyo.   Kasi kahit anong mura ng puhunan kung hindi naman pakikinabangan ang negosyo, eddie waley.  

So mainam din na roon ka sa medyo mahal na business pero gusto mo na kahit anong mangyari  ay gagawa ka ng paraan para pagkakitaan at palaguin ito.   Tandaan na ang pagbi-business ay hindi lang about pera, ito rin ay mind-setting at lifestyle.

Isa pa sa advantage kung alam mo na ang iyong gustong negosyo ay mas may focus at mapag-aaralan ito ng mabuti. Halimbawa ay gusto mong mag-franchise business ng beauty salon. Eddie trim down na ang pag-iisip kung kaninong kompanya ka kukuha base sa kanilan sistema, reputasyon, at investment fee.

 

  1. Magkaroon ng personal savings at pataasin ang iyong creditworthiness?

Siempre ang unang puwedeng pang-finance ng business ay personal savings.   Kung gusto mong makaipon ay I recommend yung 30-70 rule in saving.  Mayroon din akong (weird) money saving tricks at mayroon din yung ultimate tipid mode hehehe.  Ang ultimate tipid mode scheme ko bilang empleyado ay ganito — kung 2 beses akong sumasahod sa isang buwan, ang unang beses ay ang pinaka-budget  ko na sa aking expenses at pangalawa ay ilalaan ko na para ipunin.  Doon ko ata nakilala ang lahat ng street food, jolly jeep, at walkathon 😛

Gaya ng karamihan ay nagsimula akong mag-ipon sa alkansya at garapon. Pero may advantage kung ang itinatabi mong pera ay idedeposito mo sa bangko.   Oo nakaka-imbierna ang magpunta sa bangko at mag- maintain ng balance (pero may type ng savings account na wala) pero matuturuan ka nito sa displina, pagpapalawak ng iyong kaalaman sa pera (financial literacy), at credit worthiness. Ano ang credit worthiness at bakit need mo ito? I will tell sa item no. 5. Hehehe

  1. Time is gold, take part time jobs

Kung nakilala mo ako noong mga panahong fresh grad pa ako, masasabi mo na itong taong ito ay hindi magbi-business (‘yong seryoso). Ang focus ko at sa tingin ko rin ay karamihan sa kapwa ko Pinoy ay para kumita ay magkaroon ng magandang trabaho  sa isang magandang kompanya.   Sinuwerte ako makapagtrabaho sa ilang magagandang kompanya at gustong-gusto ko naman ang ginagawa ko.  Kaya alangan akong iwan, pero I don’t think (kahit ngayon ko pa isipin)  wala akong maiipon na ekstra kung ang focus ko lang ay magkaroon ng iisang source of income.

Then I realize na bakit hindi ako mag-freelance o mag-part time work?   Kung ang pasok ko ay Monday to Friday from 9-6 pm ay marami pa akong oras kaysa manood ng TV series.   So dito pa lang ay mapapatunayan natin na mahalaga ang pagamit ng oras . Puwede itong masulit para kumita o ma-develop pa ang iyong pagkatao.  Ito na rin ‘yong time na hindi na ako nanood ng o sa TV.

Sabihin na natin na Php 1500 to Php 3000 lang iyong kikitain sa iyong part time job. Maliit?  Eh kung ‘yon buong  halagang na iyon ay maitatabi mo at hindi mo magagalaw. Isipin mo kung naka- anim na buwan, isang taon o limang taon mong naitatabi ‘yon? Posible iyon lalo na kung mayroon kang day job o regular job na pantustos sa iyong monthly expenses.

Php 1500 x 6 months = 9000 (puwede ng pang-online selling or buy and sell)

Php 1500 x 12 months = Php 18,000 (puwede na T-shirt printing/ maliit na sari-sari store)

Php 1500 x 60 months (5 years) = Php 90,000 (mini grocery store na ito)

 

  1. Mag-sideline business o magkaroon ng investment portfolio at mag-compounding

May pagkakataon na may pera ka pero maliit pa lang.  Puwede mo rin itong palakihin gamit ang ibang mas madali at maliit na business.  Magagawa mo ito basta gamitan mo ng compounding method.

Sa investing ang “compounding” ay kita sa kita. Halimbawa ay kumikita ka sa prepaid loading. Kung susumahin ang liit-liit ng kita rito, pero subukan mong  hindi galawin ‘yung kita. Tapos ‘yong capital at yung profit, pagsamahin mo para  ipang-load wallet mo. Baka from Php 1000 initial loadwallet ay umabot ka ng Php10,000 dahil sa compounding method mo.  Kung ang pinakabalak mong business ay nasa Php10,000 ang capital, eddie achieved na!

Ang isa pang magandang subukan ay investment portfolio. Ito ay ‘yong mutual fund, forex, T bond, stock market, at iba pa.  Sa aking opinyon ay mas maganda ng ilang times ang mga ito kaysa ordinary time deposit. Pero kailangan mag-invest ka sa mapagkakatiwalan at ideally ay 5 years mong ilalagak ang in-invest na pera

 

  1. Use your credit card as your initial capital

May kumukuha ng business loan, cooperative at iba pa.  Okay ang mga iyon lalo na sa mga long term at malakihan na type of business. Pero let’s say short term, maliit lang naman ang iyong kailangan, at sure ka na buwanan ay mababayaran mo ang iyong utang-  why not use a credit card?

Sa store ko ay ginagamitan ko ng dedicated credit card ang ilang pinamimili ko rito (yung iba kasi cash only) o ibang transaksyon ko para rito.

Kung babalikan ko ang item no.  2, nakuha ko ang credit card ko ng walang ibinibigay na requirements.  Iyan ay dahil sa aking credit worthiness. Wala akong ibang maisip na dahilan pa kasi mababa lang ang savings account ko (wala pang Php 10,000,) pero wala akong credit card debt, at ang bank account ko ay lagpas 5 years na.

lalagyan ng cards (isa d’yan credit card ko), bakit?

Actually bago noon ay naglalaro na sa isipan ko mag-credit card ulit for business purchases.  Pero nagdalawang-isip ako kasi noong nag-ask ako sa isang financial institution ay  hindi ko ma-meet ang ilang requirements nila especially yung monthly income.  Then, isang araw ay sumadya ako sa bangko ko para sa ibang transaction. Voila, may new ATM card at inalok ako ng credit card ng walang kahirap-hirap.

Paano magagamit ang credit card sa iyong small business na hindi ka sumasabit? Sabihin na natin bibili ako ng grocery items na worth Php 4000 at ititinda ko within a month.   Siempre bukod sa patong na presyo ay sa loob ng isang buwan ay mababawi ko na Php 4000. Kahit ‘yon man lang para sa initial. Iyong mga grocery items naman especially ‘yong nasa lata at bote ay aabot ng 3-6 months so hindi na talo.  Kung gagamitin ko ulit yung credit card ay para roon na sa mabilis maubos o mabili. Malamang din ay yong mga susunod na hihiramin ko sa credit card ay mas mababa na ang halaga.

Ang special tip ko sa paggamit ng credit card ay be mindful sa cut off and due date.  Ipinangbabayad ko rin ang credit card ko sa utility bill ko. Kung susuriin, ang due date ng Meralco ay every 29th of the month, habang ang  cut off ng credit card ko ay every 22nd  of the month.  Kung magbabayad ako ng 21st of the month or pababa sasama yung babayaran ko Meralco sa ibang ginamitan ko ng credit card. Pero kung ipambabayad ko ito after ng 22 ay sa next state of the account pa ito a-appear at babayaran ( may halos lagpas isang buwan na gap).  Eddie yung pambayad ng kuryente ay napaikot mo pa sa negosyo di ba?

                In fact habang tumatagal at maayos ang iyong credit history ay mas lalaki rin ang iyong credit limit.

 

sana nakatulong, ikaw may suggestion ka pa?


About Hitokirihoshi

Slasher Star: passionate Online Publisher, grade 1 Digital Marketer, on-the-go Filipina, progressive Technopreneur, frugal Traveler, Cinephile since birth, natural Music lover, abstract Crafter, Digital Nomad, Millennial, and Multipotentialite or Yuccie?

Leave a comment

Your email address will not be published. Required fields are marked *

This site uses Akismet to reduce spam. Learn how your comment data is processed.