Why are you Reading: Essay tungkol sa Kahalagahan ng Pagbabasa


May nagtanong sa akin kung bakit daw ba ako nagbabasa? Bigla– yung mga ideya sa kokote ko ay parang isang daang tao na gustong lumabas sa iisang pinto nang sabay-sabay.  Kaya naman sa dami ng rason na naiisip ko halos mautal ako sumagot.  Pero sa bandang huli, ang gusto lang palang maipaliwanag ng kausap ko ay kung papano ko  malalaman ang laman ng isang libro nang hindi ko kailangan maglaan nang mahabang oras.  Paano nga ba? Ano nga ba kahalagahan ng pagbabasa?

Ang pagbabasa ay karanasan

Hagdan by Sherma Benosa inside pageNirerespeto ko ang opinyon ng kausap ko at naniniwala ako na mas palabasa s’ya sa akin at mas matagal pa.  Ang totoo niyan ay second year high school na ako nang na-motivate na magbasa para gumanda ang mga grado. Kaya doon sa mga nagsasabi na hindi palabasa pero natuto at mataas ang marka sa eskuwela, kayo na!

Balik tayo dun sa suggestion ng  kausap ko tungkol sa paraan na mapadali ang  pagbabasa. Kung tama ang intindi ko sa sinabi niya ay maghanap na lang daw ako na taong nakabasa na o eksperto dun. May punto siya in a way, kasi sa totoo lang ang kalaban ngayon ng tao ay bilis ng oras. Subalit sa ibang banda, ang  napagtanto ko na problema rin dito ay ang interpretasyon. Halimbawa na lamang ay sa biblia, halos sa bawat chapter nito ay may iba-ibang kahulugan depende sa paniniwala ng isang tao. Kung paano ang isang kulay ay iba rin ang dating sa bawat tumitingin dito. Kaya naman may butas din na ipagkatiwala sa ibang tao na basahin niya para sa iyo ang isang libro lalo na’t  nasamahan na n’ya ng sarili niyang pagkakaintindi.

Translation problem

Isa rin ito sa mga problema ng mga translator ng libro, telebisyon at pelikula. Nakakahiya rin kasi sa manunulat (book author/ scriptwriter) kung iibahin nila ang mensahe nito maitawid lamang ang pagsasalin. Subalit kung iisipin din naman ay may mga salita sa bawat wika na walang direktang translation.

Oo nga kukunsumo sa oras ang pagbabasa pero kung tutuusin ito ay isang makabuluhang paggamit ng iyong libreng oras—para bang…

  • Panonood ng sine na dinadala ka ng director, artista at scriptwriter sa kanilang kwento
  • Pagdalo sa seminar na iyong binayaran para matuto sa paksang nais mo
  • Paglalakbay
  • Pag-arte sa entablado

 

Nagbabasa ako kasi…

business and financial booksTinanong din ako ng kausap ko kung  anu-anong mga libro ang mayroon ako.  Ang sagot? Hindi ko saulo ang eksaktong pamagat pero may kinalaman sa personal finance, business, communication, at iba pang self-help books.  Bilang sa palad ang nagbasa ako ng novel na walang kinalaman sa pag-aaral gaya ng Little Women  ni Louisa May Alcott, Mga Ibong Mandaragit ni Amado Hernandez at The Alchemist ni  Paulo Coelho.  Pansin mo medyo makaluma at yung dalawang huling nabasa ko lang kasi may mga kopyang pahara-hara lang sa amin, na  ngayon ay tagong-tago ko na. Samantala ang tinatapos ko ngayon ay How I Made my First Million Through Direct Selling by Chinkee Tan ( at ang bookazine  na How to Set Up an Online Business 2015) at  sunod ko nakapila na ay Got a  Question About Taxes by Mon Abrea.

Para sa akin kasi ang pagbili ng libro at magazine ay investment.  Dami na kayang pagkakataon na napagtanto ko na lang na “buti na lang nabasa ko ‘yon” o ginagawa ko na ‘yong natutuhan ko.  Isang halimbawa nito ay yung pagkakatuklas ko sa investing sa stock market.   Noon may idea lang ako na isang uri ito ng investment pero hindi ko pinapansin hanggang isang araw… bumili ako ng isang libro na feeling ko ay interesante at hayun yung natutuhan ko dun yun ang nagagamit ko para matupad ang isang major dream ko.   Siguro kung di man yun ang pinaka, isa na nga sa pagbabasa ng book na iyon ni Bo Sanchez.    Tingin ko ganun din  yung pag-asam ko sa mahubog pa ang knowledge ko sa business at sa freelancing.

Malictionary 1Kaya naman sa kabuuan, para sa akin ang pagbabasa ay

  • Karanasan
  • Investment
  • Pinaka-convenient na paraan para matuto dahil nasa iyo kung saan, kailan at paano ( di ba nga uso na rin ang audiobook at e-book)mo gagawin.
  • Isa sa mabisang paraan lumawak ang iyong vocabulary
  • Fulfillment

Ikaw bakit ka nagbabasa?


About Hitokirihoshi

Slasher Star: passionate Online Publisher, grade 1 Digital Marketer, on-the-go Technopreneur, frugal Traveler, Cinephile since birth, natural Music lover, abstract Crafter, Digital Nomad, Millennial, and Multipotentialite or Yuccie?

Leave a comment

Your email address will not be published. Required fields are marked *