Patrick Garcia, lost Golden Boy? 10   wow updated !


Patrick Garcia.markerMagagalit naman si Chantal Umali  kung sasabihin ko na hindi guapo si Carlo n’ya na si Patrick Garcia  na unang sumikat  sa Ang TV, nye!!!  Pero true marami sa mga kaklase at kaibigan ko ang patay na patay sa kanya noong teen star pa siya.  Noon kasi ata kapag ang lalaki may braces parang automatic cute. Angat lang s’ya sa iba dahil magaling s’yang pomorma at sumayaw. 

I’m pro Anna Larrucea

Kung hindi mo na naitatanong o naalala, bago pa pumasok si Paula Peralejo ( yes sister ni Rica Peralejo) na naka-love team ni Patrick sa Tabing-ilog ay nagkaroon na rin sila ng tambalan ni Anna Larrucea (Baby Love and Magic Temple).  Hindi ko tuloy malaman kung ‘yon ba ang dahilan ‘bat ‘di ko naging trip ang Sunday teen drama na yon or ‘di ko lang kasi sila ka-generation. Basta alam ko lang doon nagka-develop-an sila John Lloyd Cruz at Kaye Abad, Jodie Sta. Maria at Baron Geisler, at Paolo Contis and Desiree del Valle.

Kung nagtatanong ka kung saan nagtambal sina Patrick at Anna? Sa original  na Mula sa Puso starring Claudine Barretto, the late Rico Yan, Diether Ocampo, Jaclyn Jose at ang peste este feisty na si Celene o Princess Punzalan. Namatay doon si Anna na si Nicole na anak ni Celene.

Hearthrob sa Drama

Kung makasama ay naglalakihan at beteranong artista masuwerte  rin s’ya.  Lagi s’yang anak ng bida na hindi mo puwedeng i-delete  sa eksena.  Naging anak rin ata siya ni Maricel Soriano sa isang peikula pero  mas naalala ko sya sa  pelikulang Madrasta starring Sharon Cuneta at Christopher de Leon. Nanay naman n’ya si Zsa Zsa Padilla sa film nagbigay sa kanya ng acting award-ang Batang PX. Parang  tinawag pa nga s’yang Golden Boy of the Philippine Cinema that time. Bida rin pala sya sa Rollerboys.

Kabi-kabila ang kanyang movies dati pati na rin TV shows-siempre kasama s’ya sa cast ng GIMIK at Richard Loves Lucy pero bigla toink parang nawawala sya sa eksena. Naging support hanggang  isang araw nalaman ko na lang nangibang bakod. Ayoko naman maging chismosa  at wala naman akong proof sa balita ko, so bukas ang blog na ‘to sa panig ni Patrick (may ganoon!?).

Nabigyan din naman s’ya ng  good projects sa GMA.  S’ya ang kontrabida-friend ata ni Richard Gutierrez sa unang labas ng Captain Barbell at may mga drama series s’ya sa hapon.  Let’s say na kahit isa s’ya sa naging big star sa Kapuso network , enchende naman na  may nauna at may homegrown talents sila.

Nung makita ko s’ya in person, ‘yun din ay yung  press con ng Angels ni Angel Locsin.  That time ay mag-syota pa lang sila ni Jennylyn Mercado at  makikita ang kilig tsubaness  nila sa isa’t isa. Eh sadyang ganyan ang love. Love Moves in Mysterious Ways ika nga ng revival ni Manay Nina.

Back to Kapamilya

Gaya ni Carlo Aquino ay balik Kapamilya na rin si Patrick na isa sa star ng remake drama series na Annaliza.  Honestly, I can’t think of any roles na bagay kay Patrick na talagang magmamarka.  Magaling sya sa Batang PX at sa mga drama series nya noong teen star siya pero parang ‘di nagbago o hindi s’ya nag-evolve. Nandoon yung potential pero namimili ng karakter  at hindi kasing intense ng  bato ng linya nila Dennis Trillo, Jericho Rosales, at Piolo Pascual. O hindi ko pa lang s’ya napapanood na nanlilisik sa galit.

But an artist is an artist, makakahanap ito ng way na magkaroon ng outlet para kuminang. Sana mahanap n’ya yun.  Saan na nga ba ang Diary ko nang makuwento ko na kung ano update sa amin ni Carlo. Hehehe!


About Hitokirihoshi

Slasher Star: passionate Online Publisher, grade 1 Digital Marketer, on-the-go Technopreneur, frugal Traveler, Cinephile since birth, natural Music lover, abstract Crafter, Digital Nomad, Millennial, and Multipotentialite or Yuccie? Common socialize with me!


Leave a comment

Your email address will not be published. Required fields are marked *

10 thoughts on “Patrick Garcia, lost Golden Boy?

  • doon po sa amin

    hello, hoshi… ang ganda nito, one of your best posts, i think… 🙂 informative (historical pa, ahaha), may depth and range (sa usapang showbiz, hihi), may insights somehow sa human nature and sa popularity, may pahiwatig sa pagkaintindi ng love (oo, kapatid, sinong maysabing wala ka no’n? peace) at sa human nature. pero, pero, ang pinaka-nagustuhan ko yata, bandang huli – ang pag-project that creativity and the human, the artistic person will hopefully find his way. yan naman…. 😉

    ei, gusto ko ang theme ng site mo, anlinaw… 🙂 btw, when you’ve more time, kapatid, do edit the article some more (pasensya na, humihirit ng gano’n) – may ilan pang typos at ilang kulot (nagkukunwari lang judge sa the voice of the phils., hehe). sa pangkalahatan, it is a well-done article, like na like. keep on writing. 🙂

    mag-comment ka, dear, pag napaparaan sa may amin, hala… ba’t nyo ako iniiwasan, wala akong ketong. peace! 😉 warm regards, hoshi….

    • Hitokirihoshi Post author

      Salamat sa iyong compliment and commentary about my writing. gusto ko ang mga ganyan. Aminado nga ako na lalong ma-error ( kasi may grammatical and typographical errors na rin yung mga past articles ko) dahil alam mo ba, naghahanap pa talaga ako ng time para makapag-blog. Yung ibang post ko rito ay mula pa talaga sa pagkaka-type ko sa phone ko (Thank God my MsWord sa Old Nokia Phone ko).

      Maraming salamat and mabuhay, hayaan mo siempre magagawan natin ng paraan ang pagbisita sa iyong pooksasapot. Ikaw pa!

  • Rogie

    basta ako, ultimate kras ko dati si Chesca Garcia. ehehehehe. naunahan lang ako ni doug kramer. yun ang plano ko pa naman din, maging varsity tapos maging PBA player tapos liligawan ko si chesca. wahahaha

    • Hitokirihoshi Post author

      naku mahaba pala ang journey na kailangan mong tahakin para kay Cheska. IBig sabihin ibinigay sa iyo ang nararapat at hindi ka mahihirapan. Pareho pa kayong masaya . 😉

      pero maganda sya in fairness talaga.